ලස්සන කෙස් කළඹක් ලබා ගන්න මේ ආහාර 5 ඔබට උදවු වේවි

May 26, 2020
20,508
5 foods for a healthy hair
ඕනෑම කාන්තාවක් කැමතියි ලස්සන සහ ශක්තිමත් කෙස් කළඹක හිමිකාරියක් වෙන්​න. ඔයාගේ හිසකෙස් මසකට අඟල් 0.5 (සෙ.මී. 1.25) සහ වසරකට අඟල් 6 (සෙ.මී. 15) පමණ වර්ධනය වීම සිත්ගන්නා කරුණක්. එය කෙතරම් වේගයෙන් වර්ධනය වෙනවා​ද යන්න වයස, සෞඛ්‍යය, ජාන සහ ආහාර වැනි සාධක මත රඳා පවතිනවා. ඔයාට වයස සහ ජාන විද්‍යාව ව​ගේ සාධක වෙනස් කළ නොහැකි වුවත්, කෙස් කළඹට සුදුසු ආහාර වැඩිපුර එකතු කර ගන්න පුළුවන්. ඇත්තටම නිවැරදි පෝෂ්‍ය පදාර්ථ නොමැති ආහාර වේලක් ගැනීම මගින් හිසකෙස් දුර්වල වෙනවා. ඒවගේම නිවැරදි පෝෂ්‍ය පදාර්ථ සහිත සමබ​ල ආහාර වේලක් ගැනීම හිසකෙස් වර්ධනයට උපකාරී වෙනවා. අද හැඩකාරී අපි ඔයාගේ කෙස් කළඹ වර්ධනයට අනුබල දෙන ආහාර 5ක් ගැනයි කියන්න හිතුවේ.

1. බිත්තර
බිත්තර හිසකෙස්ව​ල සෞඛ්‍යයට හා වර්ධනයට දායක විය හැකි පෝෂ්‍ය පදාර්ථ දෙකක් වන ප්‍රෝටීන් සහ බයෝටින් වලින් පොහොසත්ය. හිසකෙස් වර්ධනය සඳහා ප්‍රෝටීන් ආහාරයට ගැනීම වැදගත් වන්නේ ගැලවී යන හිසකෙස් නැවත වර්ධනය කිරීම සඳහා ආහාර වල ඇති ප්‍රෝටීන් වැදගත් වෙන නිසයි. බයෝටින් පරිභෝජනය කිරීමෙන් හිසකෙස් ශක්තිමත්ව වර්ධනය වෙනවා. බිත්තර සින්ක්, සෙලනියම් සහ අනෙකුත් සෞඛ්‍ය සම්පන්න පෝෂ්‍ය පදාර්ථ සඳහා හොඳ ප්‍රභවයක්. මෙය හිසකෙස් සෞඛ්‍යය සඳහා හොඳම ආහාරයක්.

2. බතල 
බතල කියන්නේ බීටා-කැරොටින් වල හොඳ ප්‍රභවයක්. ශරීරය මෙම සංයෝගය විටමින් A බවට පරිවර්තනය කර හිසකෙස් සෞඛ්‍යයට සම්බන්ධ කරනවා. විටමින් A මගින් කෙස් නිරෝගීව තබා ගැනීමට උපකාරී වනවා. ​ඒ විතරක් නෙමෙයි, විටමින් A මගින් හිසකෙස් වර්ධන වේගය වේගවත් කිරීමත්, ඝනව කෙස් වර්ධනය වීමටත් උදවු සපයනවා..

3. අලිගැටපේර
අලිගැටපේර රසවත් මෙන්ම, පෝෂ්‍යදායී හා සෞඛ්‍ය සම්පන්න මේද වලින් යුක්තයි. එහි අඩංගු විටමින් E ශරීරයට ගුණදායක වන අතර එමඟින් හිසකෙස් වර්ධනයට දායක වනවා. හිස්කබලේ සම දුර්වල වී​ම නිසා හිසකෙස් වල ගුණාත්මක භාවය අඩුවීමත් මෙහි ඇති විටමින් E මගින් ව​ළක්වා ගන්න පුළුවන්. 

4. මස්
මස් වර්​ග බොහෝ මිනිසුන්ගේ ආහාර වේලෙහි ප්‍රධාන අංගයක් වන අතර හිසකෙස් වර්ධනයට උපකාරී වන පෝෂ්‍ය පදාර්ථ වලින් පොහොසත් වනවා. මස් වල ඇති ප්‍රෝටීන් හිසකෙස් වර්ධනයට උපකාරී වන අතර හිසකෙස් අලුත්වැඩියා කිරීමට සහ ශක්තිමත් කිරීමට උපකාරී වෙනවා. විශේෂයෙන් රතු මස් අවශෝෂණය කර ගැනීමට පහසු යකඩ වලින් පොහොසත් ය. මෙමගින් රතු රුධිර සෛල කෙස් වලට ඇතුළුව ශරීරයේ සියලුම සෛල වලට ඔක්සිජන් ලබා දෙනවා.

5. බෙරි වර්​ග
හිසකෙස් වර්ධනයට දායක විය හැකි ප්‍රයෝජනවත් සංයෝග හා විටමින් බෙරි වල පවතිනවා. ශක්තිමත් ප්‍රතිඔක්සිකාරක ගුණ ඇති විටමින් C හිසකෙස් ආරක්ෂා කිරීමට උපකාරී වනවා. එ වගේම ශරීරය විටමින් C භාවිතා කර ගනිමින් කොලජන් නම් ප්‍රෝටීනය නිපදවන අතර එමගින් හිසකෙස් ශක්තිමත් කිරීම සහ කැඩී යාම වළක්වනවා. ඒ විතරක් නෙමෙයි විටමින් C මගින් ශරීරයට යකඩ අවශෝෂණය කර ගැනීමට දැඩි උදවුවක් දෙනවා.

ඔයා කන දේ ඔයාගේ හිසකෙස් වල සෞඛ්‍යයට විශාල බලපෑමක් ඇති කරනවා. විටමින් A, C, D සහ E, සින්ක්, විටමින් B, යකඩ, බයෝටින්, ප්‍රෝටීන් සහ අත්‍යවශ්‍ය මේද අම්ල ඇතුළු  පෝෂ්‍ය පදාර්ථ නොමැතිකම හිසකෙස් වර්ධනය මන්දගාමී වීමට හෝ හිසකෙස් කැඩියමට හේතු වෙනවා. ඔයා හිසකෙස් වර්ධන වේගය වැඩි කර ගැනීමට  සිතන්නේ නම්, ඉහත ආහාර සමහරක් ඔයාගේ ආහාර වේලට එක් කිරීමට උත්සාහ කරන්න.

Related Articles

Featured Articles

Trending Articles

අපේ ජනප්‍රියම ලිපි

Symptoms to say you are pregnant
   44,406
   26

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
10 symptoms shows you are pregnant
   46,553
   24

කවුරුත් නොකියන ගැබ්ගත් බව අඟවන ලක්ෂණ 10ක්

ගැබ්ගත් කාන්තාවන් පීරියඩ්ස් නවතින එක, පියයුරු මෘදු වෙන එකට වඩා වෙනස් අත්දැකීම් වලට මුහුණ දෙනවා. නමුත් මේවා ගැන අනිත් අයට කියනවා අඩුයි. ඔබ මේ ලක්ෂණ දැනන් සිටින එක නුවණට හුරුයි කියලා අපි හිතුවා
5 skin care tips for your neck
   32,532
   22

ඔබත් බෙල්ලේ සම අඳුරු වීම නිසා කණස්සල්ලෙන්ද? එසේ නම් මේ පියවර 5 අනුගමනය කර බලන්න

ඔබගේ මුහුණ තරම් ගෙල පෙදෙස ආශ්‍රිත සම දුර්වර්ණ ස්වභාවයක් ගන්නවා නම් බෙල්ල ආශ්‍රිත සමෙහි රැකවරණය සඳහා ඔබ අනුගමනය කළයුතු පියවර 5ක්
chore lists for kids
   35,645
   22

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
How to get vitamin E for healthy skin and hair
   35,383
   21

විටමින් E මගින් ඔබගේ සම සහ හිසකෙස් සදහා ලබාදෙන පෝෂණය සහ පහසුවෙන් විටමින් E ලබා ගත හැකි ප්‍රභව

ඔබ දන්නවාද ඔබගේ ආහාර වේලේ අඩංගු වෙන විටමින් E සම, හිසකෙස් සහ මාංශ පේශී නීරෝගිව පවත්වාගැනිමට ඉතා වැදගත් බව

Latest Articles

Most Viwed