තෙල් සහ දහඩියෙන් ඔබේ make-up එක බේරගන්න මේ ක්‍රම ඉතාම ප්‍රයෝජනවත්

September 9, 2020
16,460
How to protect your make-up with wet and oil
ඔබ ලස්සනට ආලේප කල මේක්-අප් එක රස්නය සහ දහඩිය නිසා බොඳ වුනු අවස්ථා ඔබත් අත් විඳ ඇති. ඒ හැඟීම ගැන අපි දන්නවා. වාසනාවකට වගේ මේ වගේ වෙලාවට ඔබට උදවු වෙන්න තමයි බ්ලොටින් පේපෙර් කියන දේ නිෂ්පාදනය වෙලා තියෙන්නේ. ඔබේ මේක් අප් එක නොවෙනස්ව තබා ගන්නට බ්ලොටිං පේපර් ඉතාම වැදගත් කාර්‍යභාරයක් ඉටු කරනවා. ඒ නිසා රූපලාවන්‍ය ක්ෂේත්‍රයට වගේම සෑම කෙනෙක්ගේම make-up බෑග් එකේ බ්ලොටිං පේපර් අත්‍යවශ්‍ය දෙයක් විදිහට අද කාලයේ සලකනවා. oil blotting sheets කියන්නේ අද කාලයේ අලුත් දෙයක් නම්, මේ ලිපිය කියෙව්වාට පස්සේ ඒවා ඔබගේ ප්‍රධාන රූපලාවන්‍ය ද්‍රව්‍ය ලැයිස්තුවට එක් කරගන්නට මීට පස්සේ ඔබ උනන්දු වෙයි කියලා අපි හිතනවා. blotting sheets ගැන ඔබ දැනගත යුතු සෑම දෙයක්ම ඉගෙන ගන්න මේ ලිපිය දිගටම කියවන්න. ඒවා මොනවාද යන්න සහ ඒවා භාවිතා කරන්නේ කොහොමද යන්න ගැන අපි ඔබට කියන්නම්...

බ්ලොටිං පේපර් කියන්නේ මොනවාද ?



බ්ලොට් කරනවා කියන්නේ, සෙමින් තෙතමාත්තු කරනවා කියන එකනේ. මේ කොල නිපදවලා තියෙන්නේ, ඔබේ මේක්-අප් එකට කිසිදු හානියක් නොකර ඔබේ මුහුණේ ඇති වෙන තෙල් සහ දඩිය ඉවත් කරන්නයි. මේවා හොඳ අවශෝෂක අමුද්‍රව්‍ය වලින් තමයි සාදලා තියෙන්නේ.

බ්ලොටිං පේපර් භාවිතා කළ යුත්තේ කවුද ?
හැම කාන්තාවක් ගාවම blotting papers තියෙන්න ඕනේ! ඕනෙම කෙනෙක්ගේ අතේ බ්ලොටිං පේපර්ස් තියාගන්න එකෙන් ගොඩක් ප්‍රයෝජන ගන්න පුලුවන්. ඔබ ජිම් එකේ මහන්සියෙන් ව්‍යායාම කළත්, උත්සවයක හෝ නර්තනයේ යෙදුණත්, දහවල් වෙලාවේ එලියට ගියත්, ඒ වෙලාවට මුහුණේ ඇති වෙන අතිරික්ත දිලිසීම් සහ ග්‍රීස් ස්වභාවය ඉවත් කර ගන්නට බ්ලොටිං පේපර් ප්‍රයෝජනවත් වෙනවා. බ්ලොටිං පේපර් භාවිතා කිරීමෙන් වැඩියෙන්ම ප්‍රයෝජන ගන්න පුලුවන් එක් කණ්ඩායමක් නම් කරන්න සිදු වුණොත්, ඒ තෙල් සහිත සමක් ඇති අයයි. ඔබට ඉක්මනින් හෝ වැඩිපුර දහඩිය දමනවා නම්, ඔබට තියෙන්නේ තෙල් සහිත සමක් නම්, ඔබේ සම අනෙක් අයට වඩා ඉක්මනින් තෙල් ස්වභාවය වෙත නැඹුරු වන නිසා, දිවා කාලය පුරා (සහ රාත්‍රියටත්) ඔබේ මේක් අප් එක වඩාත් හොඳ පෙනුමකින් තබා ගැනීමට බ්ලොටිං පේපර් කියන්නේ ඔබේ හොඳම මිතුරායි.

බ්ලොටිං පේපර් භාවිතා කරන්නේ කොහොමද ?
දැන් ඔබ බ්ලොටිං පේපර් කියන්නේ මොනවාද, ඒවා භාවිතා කළ යුත්තේ කවුරුන්ද යන්න ගැන දන්නවා. දැන් අපි බලමු ඒවා භාවිතා කරන්න ඕනේ කොහොමද කියලා. ඒක ඇත්තෙන්ම සරලයි. නමුත් අපි ඒක ඔබට මේ විදිහට කොටස් කරලා කියා දෙන්නම්.

පියවර # 1: ඔබේ බ්ලොටිං පැකට් එකෙන් බ්ලොටිං පේපර් එකක් එළියට ගන්න. 

පියවර # 2: මුහුණේ තෙල් සහිත ප්‍රදේශ වලට බ්ලොටිං පේපර් එක මෘදු ලෙස තබන්න. තත්පර කිහිපයක් තියෙන්න අරින්න. ඊට පස්සේ ඉවත් කරන්න. ඔබේ මේක් අප් එක හානියක් නොකර, මුහුණේ දහදිය හෝ තෙල් සහිත සියළුම තැන් බ්ලොට් කරන්න.

ඔබේ මේක්අප් එක තෙල් රහිතව තබා ගැනීමට වෙනත් ක්‍රම 3ක්
ඇත්ත වශයෙන්ම ඔබේ මේක් අප් එකේ තිබෙන අනවශ්‍ය දිලිසෙන ස්වභාවය සහ මුහුණ තෙල් රහිතව තබා ගන්න පුලුවන් එකම ක්‍රමය බ්ලොටිං පේපර් ම නෙමෙයි. තෙල් සහිත බව වළක්වා ගැනීම සඳහා ඔබට භාවිතා කරන්න පුලුවන් තවත් මේක් අප් ක්‍රම තුනක් මෙන්න.

# 1: MATTIFYING PRIMER එකක් භාවිතා කරන්න



ඕනෑම මේක් අප් එකක පළමු පියවර වන්නේ එය තෙල් රහිතව තබා ගැනීමයි. අපි කතා කරන්නේ අඩු පාඩු නැති මේක් අප් එකක් කිරීම ගැනයි! Primer එකකින් ඔබට ලස්සනට මේක් අප් එක කරන්න ඔබේ සම සුමට කරවනවා. අඩුපාඩු සඟවා, දවස පුරාවට පවතින මැට් නිමාවක් පවත්වාගන්න, මුහුණේ තෙල් ඇති වීම වළක්වනවා. ඔබේ මුහුණට ෆවුන්ඩේශන් එකක් යොදන්න කලින් මොයිස්චරයිසින් කිරීමෙන් පසුව ඔබේ මුහුණ පුරා Primer එකක් ආලේප කරන්න.

# 2: MATTE FINISH ෆවුන්ඩේෂන්


 
ෆවුන්ඩේශන් ගැන කථා කරද්දී, මැට් නිමාවක් කියන්නේ ෆවුන්ඩේශන් එකක් භාවිතා කරන ඔබේ තෙල් සහිත සමට එරෙහිව සටන් කිරීමට උපකාරී වෙන දෙයක්. මේක් අප් කරද්දී මුහුණට Matte Foundation එකක් භාවිතා ක‍රලා, ඊට පස්සේ Foundation Blender එකක් ද භාවිත කරන්න. එහෙම කළාම ඔබට බාධාවකින් තොරව, අනවශ්‍ය දිලිසෙන ස්වභාවයකින් තොර පැහැයක් ලබා ගන්න පුලුවන්. 

# 3: ඔබේ මේක්අප් හරියට ඉවර කරන්න





තෙල් පාලනය කරගන්න එක ඔබේ මේක් අප් ක්‍රියාවලියේ පළමු පියවර වනවා වගේම මේක්අප් එක හරියට අවසන් කරන එකත් වැදගත් වෙනවා. මේකට සෙටින් ස්ප්‍රේ එකක් (Setting spray) හෝ ලූස් පවුඩර් (Loose powder) එකක් භාවිතා කරන්න පුලුවන්. මේක්අප් එක කලාට පස්සේ සෙටින් ස්ප්‍රේ මුහුණු පුරා මෘදුව ස්ප්‍රේ කරන්න. නැති නම් ලොකු ෆේස් බ්‍රශ් එකෙන් මුහුණ පුරාවට මෘදුව ලූස් පවුඩර් යොදන්න.

Related Articles

Featured Articles

Trending Articles

අපේ ජනප්‍රියම ලිපි

Do you want to if your boyfriend really loves you?
   12,857
   131

ඔයාගේ පෙම්වතා සැමියා ඔයාට ඇත්තටම ආදරෙයිද කියලා දැනගන්න කැමතිද?

ඔයා පෙම්වතියක් නම් චුට්ටක් හිතලා බලන්නකෝ ඔයාගේ පෙම්වතාගෙන් අනන්තවත් අහලා ඇති එයා ඔයාට ඇත්තටම ආදරෙයිද කියලා. ඉතිං ඔයාගේ පෙම්වතා, සහකරුවා ඔයාට ඇත්ටම ඔයාට ආදරෙයිද කියලා හරියටම දැන ගන්න පුළුවන් tips කිහිපයක් ගැන කතා කරමු
What kind of love a boy looking from a girl
   14,403
   95

කොල්ලෙක් කෙල්ලෙක්ගෙන් බලාපොරොත්තු වෙන්නේ මෙන්න මේ වගේ ආදරයක්

අද හැඩකාරී අපි ඔයාට කියලා දෙන්න තීරණය කළා විශේෂයෙන්ම කොල්ලෙක් කෙල්ලෙක්ට ආදරය කරනකොට බලාපොරොත්තු වෙන්නේ කුමන ආකාරයේ ආදරයක්ද කියලා
Scrubs for body
   16,939
   69

scrub කරන්න ඕන මුහුණ නෙවෙයි. සුන්දරත්වය රැක ගන්න පහසුම body scrub

සම නිරෝගී කර ගන්න වගේම පැහැපත් කර ගන්නටත් ආරක්ෂා කර ගන්නත්  body scrub එකක් කරන එක වැදගත්. හැබැයි ඒක ස්වභාවික ගෙදර ලේසියෙන් හොයාගන්න පුලුවන් දේවල් යොදා ගෙන කරනවා නම් තමයි ගොඩක් හොඳ
Do you know what happens when you eat spicy food?
   2,328
   45

දැවිල්ල කෑම කෑවම ඔයාගෙ ශරීරයට මොනවද වෙන්නෙ කියලා දන්නවද?

සැර ආහාර මුළු ශරීරයටම ධනාත්මක හා ඍණාත්මක බලපෑම් ඇති කරන නිසා ප්‍රතික්ෂේප කරලත් බැහැ. අද හැඩකාරී අපි දැවිල්ල කෑම කෑවම ඔයාගෙ ශරීරයට මොනවද වෙන්නෙ කියලා කියන්න හිතුවා
Food to regulate your menstrual circle
   22,199
   36

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න

Latest Articles

Most Viwed