IQ අගය දියුණු කරවන "සංගීතය" ඉගෙන ගන්න කැමති ඔබට වැදගත් වෙන කරුණු 5 ක් මෙන්න

September 10, 2020
597
Key points to learn music
සංගීතය පුහුණු වෙනවා කියන්නේ ඔබට නිර්මාණයක් කිරීමට හැකියාව ලැබෙන දෙයක් විතරක් නෙමෙයි, ඒ හරහා ඔබේ මොළයේ IQ අගය ද දියුණු කරනවා. සංගීතය ඔබේ ඉවසීම දියුණු කරන අතර වර්තමාන මොහොතේ ජීවත් වීමට උදවු වෙනවා. එය අද කාලයේ තරුණියන්ට වගේම තරුණයන්ටත් අනුගමනය කරන්න පුලුවන් බුද්ධිමත් ජීවන රටාවක්.

ඉතින් ඔබ සංගීතය ඉගෙන ගැනීමට ඔබේ ජීවිතයට සාධාරණ අවස්ථාවක් ලබා දි තිබෙනවාද? ඔබට ප්‍රමාණවත් කාලයක්, ප්‍රමාණවත් ඉවසීමක් නැති නිසා හෝ ඔබට සටහන් නිවැරදිව මතක තබා ගන්න ගන්න බැරි වෙයි කියලා හැඟුණු නිසා ඔබ මීට කලින් සංගීතය හදාරන්න උත්සාහ කරලා එය අත්හැරලා තිබෙනවාත් ඇති. සංගීතය හදාරන එක නතර කිරීමට ඔබගේ හේතුව මොකක් වුණත්, අපි අද ඔබට කියන වටිනා කරුණු එක්ක ඔබට නැවත එය ආරම්භ කරන්න හිතෙයි ! මොකද සංගීතය ඉගෙනීමෙන් ඔබට ඔබේ මනස සහ ජීවිතය සන්සුන් කරගන්න හැකියාව ලැබෙනවා. නමුත් මුලදී ඒක ටිකක් අභියෝගාත්මක වෙන්න පුලුවන්. ඔබ මේ කරුණු විමසිල්ලෙන් ධාරණය කර ගත්තොත් ඔබට තවමත් නිවැරදි සටහන් සමඟ සංගීතය වාදනය ක‍රන්න පුලුවන් වෙයි.

1 ආරම්භකයෙක්ගේ මනසින් පටන් ගනන
මුලින්ම ඔබ සංගීත උපකරණයක් තෝරාගෙන, කැමති සංගීතයක සටහන් ගවේෂණය කිරීම සහ ඉගෙනීම ආරම්භ කරන්න. ඔබ වාදනය කිරීමේ ක්‍රියාවලියට යොමුවෙද්දී සමහර වෙලාවට ඔබව කලකිරීමට පත් වෙලා සතියක් ඇතුළත වැඩෙන් ඉවත් වෙන්න සිතෙන්නත් පුලුවන්. මොකද ඔබේ සටහන් සංගීතයට පරිවර්තනය නොවන බව ඔබට හැඟෙන නිසා. ඒකට බලපාන හේතුව තමයි වැඩිහිටියන් වැඩි වශයෙන් සංගීතය ඉගෙනීමට යන්නේ විශේෂඥයෙකුගේ මනසකින්. එහෙම වුණාම ඔබේ මනස සංගීත සටහන්, ඔබේ ප්‍රියතම ගීතයේ සටහන් සහ වෙනත් දේ වලින් පිරිලායි තියෙන්නේ. එය අලුත් දෙයක් ඉගෙන ගැනීමේ කුතුහලය නැති කරනවා.

නමුත් ආරම්භකයකුගේ මනස හිස්. සෑම විටම අලුත් දෙයක් ඉගෙනීමට බලන් ඉන්නේ. ඒ නිසා ඉවසීමෙන් ඉන්න! සති හෝ මාස ගණනක් සංගීත ඛණ්ඩ වාදනය කිරීමට නොහැකි වුණාට කමක් නැ. ඒකෙන් අදහස් කරන්නේ ඔබ සංගීතයෙන් ඉවත් විය යුතු බව නොවේ, එයින් අදහස් කරන්නේ ඔබට තවත් පුහුණුවීම් අවශ්‍ය බවයි.

2 ඔබේ සංගීත භාණ්ඩය ප්‍රවේශමෙන් තෝරන්න
වැඩිහිටියෙක් විදිහට ඔබ කැමති කුමන ආකාරයේ සංගීතයකට ද, සංගීත භාණ්ඩයකට ද හෝ කලාකරුවෙකුට ද කියලා ඔබට වඩා හොඳ දැක්මක් තියනවා. ඔබේ ප්‍රයෝජනය සඳහා ඒක භාවිතා කරන්න. ඔබේ ප්‍රියතම තාරකාව turtleneck එකක් ඇඳගෙන හිමෙන් වැසුණු කන්දක් මත වයලීනය වාදනය කරන්න පුලුවන් නමුත්, ඔබ තේරුම් ගත යුතු දේ, ඔබ කුමන සංගීතයක් ඇසීමට ප්‍රියකරනවාද යන්නයි.. එය ජෑස් සංගීතය ද? එය සම්භාව්‍ය සංගීතය ද? එය ගීතිකා සංගීතය ද? එය පෙරදිග සංගීතය ද? නැත්නම් බටහිර ද?

ඊළඟට, කුමන සංගීත මෙවලම ද ඔබට වඩාත් ගැලපෙන්නේ යන්න පිළිබඳව පර්යේෂණයක් කරලා ගුරුවරයෙකුගෙන් මග පෙන්වීමක් ලබා ගන්න. ශාස්ත්‍රීය සංගීතය සඳහා පියානෝවක් හෝ වයලීනයක් වඩාත් සුදුසු වෙයි. දේව සංගීතය සඳහා ඔබට නළාව, වීණාව හෝ සයිලෝෆෝන් දෙසට නැඹුරු වෙන්න පුලුවන්. පුහුණුවීමේදී ඔබට ඒ සඳහා පෙලඹවීමක් ඇති කරයි.

3 ඔබට පැහැදිලිවම වාදනය කිරීමට අවශ්‍ය දේට සවන් දෙන්න
ඔබේ ඉංග්‍රීසි පන්තියේදී ඉගෙන ගත්තාට වඩා ඔබ කැමතිම ගීත ඇසීමෙන් ඔබ වැඩි ප්‍රමාණයක් ඉංග්‍රීසි ඉගෙන ගත්තා නේද? මොකද සවන්දීම කියන්නේ ඉගෙන ගැනීමට පහසු ක්‍රමයක්. ඒ නිසා හොඳ තත්ත්වයේ ස්පීකර්ස් වලින් හෝ හෙඩ්ෆෝන් භාවිතා කරලා ඔබට වාදනය කිරීමට අවශ්‍ය සංගීතයට හොඳින් සවන් දෙන්න. ඔබේම පුහුණු සැසි පටිගත කරමින් ඒවාට සවන් දෙන්න. කාලයත් සමඟම ඔබට නාද හඳුනා ගැනීමටත්, සංගීත සටහන් තේරුම් ගැනීමටත්, ඒවා වඩා හොඳින් ගලා යන ආකාරය ඉගෙන ගන්නත් පුලුවන් වෙනවා.

4 ඔබේ ප්‍රගතිය ලියන්න
සංගීතය ඉගෙන ගනිද්දී සමහර දින වල ඔබට උද්දීපනයක් දැනෙයි. සමහර දිනවල ඔලුවට තද බවක් දැනෙයි. සමහර දින හොඳ වෙයි. අනපේක්ෂිත බව! ඒක තමයි විනෝදජනක ම කොටස.

ඒ එක්කම ඔබට ඉක්මනින් ගීත කිහිපයක් ඉගෙන ගන්න පුලුවන් වෙන අතර සංගීත භාන්ඩ වල වඩාත් සංකීර්ණ ස්වර ඉගෙන ගන්නට කාලය ගතවෙයි. ඒක තමයි සාමාන්‍ය ඉගෙනීමේ ක්‍රියාවලිය. ඉතින් ඔබේ සංගීත සටහන් සමඟම ඔබ යම් පුහුණුවක් කළ ආකාරය ඔබේ ඩයරි එකට එක් කරමින් ලියන්න. කාලයත් සමඟ ඔබේ ප්‍රගතිය ඔබම දකිනකොට එය වඩා හොඳින් කිරීමට ඔබව ඊළඟට පෙළඹෙනවා.

5 යථාර්ථවාදී අපේක්ෂාවන් තියාගෙන පුහුණු වන්න
පුහුණුව කියන්නේ ඔබව පරිපූර්ණ කරවන දෙයක් තමයි. නමුත් යථාර්ථවාදී බව සහ ඉවසීම ද ඔබ සමඟ තියා ගන්න. සතියක් හෝ දෙකක් තුළ ඔබේ නාද, සංගීත ඛණ්ඩ මැජික් එකක් වගේ වාදනය කරන්න පුලුවන් වෙයි කියලා හිතන්න එපා. ඒත් නිතිපතා පුහුණුවීම් කරන්න.

ඔබේ මුලික භාවිතය සඳහා පහසු වන නාදයන් තෝරන්න. ඔබ වඩාත් සංකීර්ණ නාදයන් දිගටම ඉගෙන ගන්නකොට, ඉවසිලිවන්තව සිටීමට මතක තබා ගන්න. පැය ගණනක් එකම සටහන් වාදනය කිරීමෙන් පස්සේ ඔබේ ශරීරය රිදීමට පටන් ගන්න පුලුවන්. ඒ වගේ අභියෝග වලට විවෘතව මුහුණ දෙන්න සූදානම් වෙලා ඉන්න.

Related Articles

Featured Articles

Trending Articles

අපේ ජනප්‍රියම ලිපි

8 reasons to make you lazy and tired
   358
   273

ඔබව නිතරම වෙහෙසට සහ කම්මැලි වීමට මේ හේතු 8 බලපානවා

හැම වෙලාවකම නිදිමත, වෙහෙස, හැඟීම් වලින් අඳුරු බවක් දැනීම කියන්නේ නම් ඔබේ ශරීරය ගැන වඩාත් ගැඹුරින් සොයා බලන්න කියලා දෙන ඉඟියක් වෙන්නත් පුලුවන්. ඒ වගේ තත්ත්වයකට හේතු වෙන්න පුලුවන් කාරණා කිහිපයක් ගැන අපි ලැයිස්තුගත කළා
Do not save your marriage if he is like this
   1,982
   225

ඔහු ළඟත් මේ ලක්ෂණ තියෙනවා නම් විවාහය රැකගන්න හදන්න එපා

බොහෝ බිරින්ඳෑවරුන් තමන්ගේ ස්වාමිපුරුෂයාගේ වැරදි හැසිරීම තමන්ගේ පිටම පටවා ගෙන ඔහුව සාධාරණීකරණය කිරීමේ වරද සිදු කරනවා. ඔයාත් එහෙම බිරිඳක් නම් ඔයාගේ විවාහය රැකගන්න ඕනේ කියලා මේ වැරදි නම් ගණන් නොගෙන ඉන්න එපා
How to have a falling hair
   8,870
   180

කඩා හැළෙන හිසකෙස් ලබා ගන්න කැමති ද?

කඩා හැලෙන හිස කෙස් ඔයාගේ මුහුණට විශේෂ පෙනුමක් ලස්සනක් එකතු කරනවා. ඉතින් කාන්තාවක් විදිහට ඔයා ඔයාගේ කෙස් කළඹ ගැන වැඩි සැලකිල්ලක් දැක්වීම නම් අත්‍යවශ්‍යයි. ඔයාගේ කෙස් කළඹ නිරෝගීව සහ කඩා හැලෙන ලෙස පවත්වාගෙන යන්නේ කොහොමද කියලා දැනුවත් කරන්න හැඩකාරී අපි අද තීරණය කළා
5 things to know about Kamala Harris
   183
   142

කමලා හැරිස් ගැන ඔබ දැනගත යුතු කරුණු 5 ක්

සෙනෙට් සභික කමලා හැරිස්ගේ පෞද්ගලික ජීවිතය, දේශපාලන ඉතිහාසය සහ ඇය එරට ප්‍රධාන කරුණු සම්බන්ධයෙන් පෙනී සිටින ස්ථානය ඇතුළු කාන්තාවක් විදිහට ඔබ ඇය ගැන දැනගත යුතු කරුණු පහක් මෙන්න
Bad habits that destroy your look
   2,982
   93

ඔයාගේ පෙනුමට හානි කළ හැකි පුරුදු වලින් මිදෙන්න ඔයාට මේ ලිපිය ප්‍රයෝජනවත් වෙයි

ඔයාගේ පෙනුමට හානි කළ හැකි මේ පුරුදු වලින් මිදී තරුණ පෙනුම සදහටම රැක ගන්න විදිහ ගැනයි මේ ලිපියෙන් කියන්න හිතුවේ

Latest Articles

Most Viwed