බතල වලින් ස්නැක් එකක්

විටමින් බී, සී, ඩී, කැල්සියම්, අයන්, මැග්නීසියම්, පොටෑසියම්, ෆොස්පරස්, සින්ක් යන ශරීරයට අත්‍යාවශ්‍ය විටමින් සහ ඛණිජ ලවන බොහොමයකින් පරිපූර්ණ බතල වලින් සේවරි ස්නැක් එකක් හදන හැටි බලමු..

අවශ්‍ය ද්‍රව්‍ය :

බතල 250g
වියලි මිරිස් කරල් 5ක්
කොත්තමල්ලි මේස හැඳි 1
සූදුරු මේස හැඳි 1
සියඹලා මේස හැඳි 3
අබ ඇට තේ හැඳි 1
තෙල් මේස හැඳි 1
කරපිංචා කොළ 5-7ක්
රස පදමට ලුණු
අලංකාර කිරීමට නැවුම් කොත්තමල්ලි කොල

සාදන ආකාරය :

1. බතල ටික වාෂ්පයෙන් තම්බා ගන්න.
2. සියඹලා උණු වතුරේ විනාඩි 10 ක් පොඟවා ගන්න.
3. පෑන් එකක් ලිප තබා එයට මිරිස්කරල්, කොත්තමල්ලි ඇට සහ සූදුරු එකතු කරන්න. මෙය විනාඩි තුනක් හෝ හතරක් බැදගන්න.
4. බැදගත්මිරිස්කරල්, කොත්තමල්ලි ඇට සහ සූදුරු සහ සියඹලා වල ඇට ඉවත් කර ඒවා පොඟවාගත් උණු වතුරත් සමඟම බ්ලෙන්ඩර් එකට දමා පේස්ට් එකක් සාදා ගන්න.
5. භාජනයක් ලිප තබා තෙල් ටික රත් කරන්න.
6. තෙල් රත් වන විට අබ ඇට එකතු කරන්න. අබ ඇට පුපුරන විට කරපිංචා එකතු කරන්න, ඉන්පසු පේස්ට් සහ ලුණු එකතු කරන්න. මෙය විනාඩි දෙකක් පමණ පිසගන්න.
7. මෙයට තම්බා ගත් බතල කොටු කපා එකතු කර හොඳින් මිශ්‍ර කරන්න.
8. කොත්තමල්ලි කොළ වලින් සරසා උණුවෙන්ම පිළිගන්වන්න.