සිරුරේ බර අඩුකර ගැනීමට බත් නොකා බිස්කට් කෑම සුදුසුද?

February 3, 2017
12,018
is it good to eat biscuit to loose weight
අපගේ දිව නිතැතින්ම යොමුවන්නේ රසවත් ආහාරවල රස බලන්නයි. පැණි රසයෙන් යුක්ත විවිධ වර්ගයේ බිස්කට්වල රස බලන්න කුඩා, තරුණ, මහළු කවුරුත් කැමතියි. පැණි රස, ක්‍රීම් රස, චොක්ලට් රස, ක්‍රිස්ප්‍රි යන රසාකාර වලින් අනුන වු විවිධ වර්ගයේ රසකාරක යොදා ගනිමින් නිෂ්පාදනය කරන බ්ස්කට් වර්ග අද වෙළද පොලේ දක්නට ලැබේ.

මේ ඇතැම් බිස්කට් වල ඖෂධීය බව සඳහන් කළද බිස්කට් කර කර ගා හැපෙද්දි නම් දිවට දැනෙන්නේ රස කාරකවල මිහිරි රසය පමණයි.

සිරුරේ බර අඩුකර ගැනීමට

අපි සියළු දෙනා කෑමට ආශාවක් දක්වන බිස්කට් වලින් සිරුරට කිසිදු හානියක් සිදු නොවන බව ඛෙහෝ දෙනාගේ විශ්වාසයයි.

ඇතැම් අය සිරුරේ බර අඩු කරගත හැකි හොඳම ක්‍රමය බත් ආහාරයට නොගෙන බිස්කට් කෑම යයි සිතයි. ඇතමුන් බත් වේල මග හරවා ගැනීම සඳහා බිස්කට් පැකට් එකක්ම ආහාරයට ගනී. සත්තකින්ම මෙම ක්‍රමයෙන් ශරීරයේ බර අඩුවේවිද?
මේ පිළිබඳව දැණුවත් වන්න

අප සිතන තරම් බිස්කට් වර්ග අපගේ සිරුරට එතරම්ම යෝග්‍ය බව අප නොදන්නා විය හැකියි. බිස්කට් සාදන්නේ පිටි හැකිතාක් දුරට වියළි බවට පත් කිරීමෙනි.

කැකර් බිස්කට් එකක සාමාන්‍ය පාන් පෙත්තක තිඛෙන පිෂ්ඨය ප්‍රමාණයට වඩා පිෂ්ඨය අඩංගුවේ. යම් කෙනෙක් බිස්කට් 4ක් හෝ 5ක් වරකට කෑවෝත් එයින් ශරීරයට පාන් පෙති හතරක් පමණ ආහාරයට ගන්න කැලරි ප්‍රමාණයක් ලැබේ. එනම් කිලෝ කැලරි 275ක් පමණ සිරුරට එකතු වේ. එයින් උදරය අගල් 1.5ක් පමණ වැඩිවේ.

අප නොසිතුවාට මෙම කැලරි ප්‍රමාණය දහනය කර ගැනීමට හොඳින් දහඩිය දමනසේ අප ඇවිදිය යුතුයි.

රාත්‍රි ආහාර වේලට පාන් පෙති 1ක් හෝ 2ක් තම්බා ගත් එළවළු සහ මාළු සමග ආහාරයට ගන්නා විට එයින් පෝෂණ ගුණයක් ශක්තියක් අපට ලැබුණද සිරුරේ බර අඩු කර ගැනීමට විකල්පයක් ලෙස ගන්නා බිස්කට්වලින් අපේ බර දෙගුණ තෙගුණ වේ. එයින් පෝෂණ ගුණයක්ද නොලැබේ.

සිනී සහිත බිස්කට් වර්ග ආහාරයට ගැනීමේදී මේ තත්ත්වය තවත් බරපතල වේ. තමාට දියවැඩියාව හැදේවී යන බියට සිනී කෑමෙන් වැළකුණද බිස්කට් කෑමෙන් සිනී ශරීරයට එකතු වන බව හොඳින් මතක තබා ගත යුතුය.

එබැවින් ඇඟ කෙට්ටු වේ යැයි සිතා බිස්කට් ආහාරයට ගන්නා අය තමන් විසින් තමාටම අයහපතක් සිදුකර ගනී.

දරුවන් වැඩි ප්‍රියකමක් දක්වයි

දරුවන් බිස්කට් කෑමට ඉතා ප්‍රිය කරන බව අපි හොඳින් දන්නා කරුණකි. නමුත් එසේ සැමදාම දරුවන්ට බිස්කට් කෑමට දීම සුදුසු නොවේ. දරුවා කෑමට කැමති වුවත් බිස්කට් පැකට්වුවක්ම කන්නට දීම එතරම් යෝග්‍ය නොවේ.

නමුත් නිතර දෙවෙලේ සෙල්ලම් කරන දුව-පැන ඇවිදින කාර්යක්ෂම දරුවන්ට නම් බිස්කට් 4-5 ක් දීම වරදක් නැත. එම දරුවන් බිස්කට් වලින් ලබා ගන්නා සිනී ප්‍රමාණය හෝ කැලරි ප්‍රමාණය දුව-පැන ඇවිදින විට දහනය වන බැවිනි.

නමුත් අද තත්ත්වය ඊට හාත්පසින්ම වෙනස්ය. පාසලට උදේට පිටවන දරුවා නිවසට පැමිණි පසු දවල් ආහාර ගෙන එක තැන වාඩි වී විවිධ රූපවාහිනි නාලිකා ඔස්සේ ප්‍රචාරය වන කාටුන් නරඹති. කිසිම ක්‍රිඩාවක හෝ සෙල්ලමකට සහභාගි නොවී ඇතැම් දරුවන් විඩියෝ ක්‍රිඩා නරඹති. දරුවන් අතිරේක පන්තිවලට සහභාගි වෙයි. රාත්‍රියට පාසල් පොත්වල වැඩ කර නින්දට යයි. මෙවැනි දරුවන් පැණි රස මෙන්ම බිස්කට් වර්ග ආහාරයට ගැනීමෙන් ඔවුන්ගේ සිරුරේ මේදය තැන්පත් වෙයි.

දරුවෙකුට දිනකට කිලෝ කැලරි 2500 ක ශක්තියක් අවශ්‍ය වේ. වැඩිහිටියෙකුට කිලේ කැලරි 1500ක් අවශ්‍යය. නමුත් වර්තමානය අපේ ජීවිත රටාව කෙරෙහි සැකසී ඇති අන්දම අනුව බලන විට දරුවන් මෙන්ම වැඩිහටියන්ද මේ ප්‍රමාණය ඉක්මවා සිටියි.

අප ගන්නා ආහාර ශරීරයේ ක්‍රමවත්ව දහනය විය යුතුය

අප ආහාර ගෙන එකතැන වාඩිවී සිටියොත් හෝ කම්මැලි කමට නිදාගෙන සිටියොත් ක්‍රමවත් ලෙස දහනය වන්නේ නැත.

ආහාර, ශරිරයේ දහනය කරවීමට නම් වැඩිපුර ශක්තිය යොදා සෙල්ලම් කිරීම, දිවීම, ව්‍යායාම කිරීම අනිවාර්යයෙන් සිදු කළ යුතුය.

එසේ නොමැති නම් ගෙදර දොරේ කටයුතු වන පිටි කෙටී, මිදුල් අතුගෑම, කුඹුරු වැඩ, වතුපිටිවල වැඩ වැනි කය වෙහෙසවන වැඩ වල යෙදිය යුතුය.

එවිට අප ගන්නා ආහාර දහනය වී අනවශ්‍ය ප්‍රමාණයක් සිරුරේ තැන්පත් නොවේ. මේ අනවශ්‍ය කාබෝහයිඩ් ප්‍රමාණය මේදය බවට පත්ව ශරීරයේ තැන්පත් වේ.

දිගින් දිගටම බහුල වශයෙන් ආහාර ගැනීමෙන් මේදය නිසා ස්ථුලතාවය ඇතිවේ. ස්ථුල තාවය බෝ නොවන රෝග වන දියවැඩියාව, හෘදරෝග, පිළිකා, අධි රුධිර පීඩනය, සීරෝසීස් වැනි රෝගවලට මාර්ගය පාදයි.

එබැවින් සිරුරේ බර හැමවිටම අඩු කරගන්නට යයි කියමින් බත් නොකා බිස්කට් වැඩිපුර ආහාරයට ගැනීම නම් අනුවන කමකි.

සෞඛ්‍ය අධ්‍යාපන කාර්යාංශයේ දේශනයක් ඇසුරිනි.

සටහන - අනුරාධා දිලිනි ඉලන්කෝන්

Related Articles

Featured Articles

Trending Articles

අපේ ජනප්‍රියම ලිපි

Bad habits that destroy your look
   2,871
   284

ඔයාගේ පෙනුමට හානි කළ හැකි පුරුදු වලින් මිදෙන්න ඔයාට මේ ලිපිය ප්‍රයෝජනවත් වෙයි

ඔයාගේ පෙනුමට හානි කළ හැකි මේ පුරුදු වලින් මිදී තරුණ පෙනුම සදහටම රැක ගන්න විදිහ ගැනයි මේ ලිපියෙන් කියන්න හිතුවේ
Tips to avoid period rashes
   559
   198

ඔසප් සමයේදී ඇති වෙන රෑශ් වළක්වා ගන්න පුලුවන් සරල ක්‍රම 4 ක් මෙන්න

මේ ගැන උපදෙසක් ගන්න බැරුව බොහොමයක් කාන්තාවන් නිහඬව සිටියත් ඔසප් කාලයේදි ඇති වන මේ කුෂ්ඨ වලින් ඔවුන් සැහෙන්න පීඩා විඳිනවා. ඉතින් බොහෝ දෙනෙක් නොදන්නා සහ මෙම ගැටලුව වළක්වා ගන්න පුලුවන් වටිනා ක්‍රම 4ක් මෙන්න
Eat dates for better health and beauty
   8,951
   173

රුව වඩවා නිරෝගීව ඉන්න ඕන නම් රට ඉඳි කන්න

රටඉඳි වල ගුණය එහෙමත් නැත්තම් පෝෂණය ඔයා හරියට දැනගෙන ආහාරයට ගත්තොත් ඔයාගේ සිරුරට අවශ්‍ය පෝෂණය ලබාගන්න අමතර පෝෂක කොටස් ලබා ගන්න අවශ්‍ය වෙන්නේ නෑ
Hit pants and trousers in 2019
   9,825
   171

2019 වසරේ hit පෑන්ට්ස් සහ ට්‍රව්සර්ස්

මේ කලිසම් යුවතියකට අමුතුම ලස්සනක් එකතු කරනවා. බලමු ඒ විලාසිතා කීපයක්..
How to avoid pimples caused by masks?
   1,857
   164

මෙඩිකල් ෆේස් මාස්ක් පැළඳීම නිසා ඇති වෙන කුරුලෑ වළක්වා ගන්නේ කොහොමද?

කුරුලෑ සහ සමේ දැවිල්ල කියන්නේ ෆේස් මාස්ක් නිසා ගොඩක් අයට ඇති වෙන පොදු අතුරු ආබාධ දෙකක්. ඒ වගේ ගැටලු සමඟ කටයුතු කරන්නේ කොහොමද යන්න පිළිබඳ නිවැරදි උපදෙස් කිහිප්‍යක් අපි අද ඔබට ලබා දෙන්නම්

Latest Articles

Most Viwed