ගර්භනී සමයේදී වැඩිපුර වතුර පානය කිරීමේ වැදගත්කම ගැන දන්නවද?

November 29, 2017
4,155
Do you know the importance of drinking sufficient water when pregnant
ගර්භනී මවකට විතරක් නෙවෙයි සාමාන්‍ය පුද්ගලයෙක් පවා අනිවාර්යෙන් දිනකට සිරුරට අවශ්‍ය කරන දෛනික ජල අවශ්‍යතාව සම්පුර්ණ කල යුතුයි. මොකද අපේ සිරුරෙන් වැඩි ප්‍රමාණයක් සකස් වෙලා තියෙන්නේ ජලයෙන්. ඒ නිසා දිනකට සාමාන්‍ය පුද්ගලයෙක් වතුර විදුරු 8ක් වත් පානය කල යුතුයි. හැබැයි මේ ප්‍රමාණය ගර්භනී මවක් ගැන සලකා බැලීමේදී වෙනස් වෙනවා.

ගර්භනී සමයේදී මවකගේ අහාර රටාවේ ලොකු ලොකු වෙනස් කම් වෙනවා වගේම වතුර වැඩි පුර පානය කිරීමත් ඉතා වැදගත්. එය දිනකට වීදුරු 10 සිට 12 දක්වා ප්‍රමාණයක් වනවා. එය එසේ වන්නේ දැන් ඔයා තවත් ජිවිතයක් සුරක්ෂිත කරන්න ඕන නිසා. ඒ වගේම ගර්භණී කාලයේ දී සෞඛ්‍ය සම්පන්න ජීවිතයක් ගත කිරීමට ජලය අත්‍යාවශ්‍යම දෙයක්.

කුස තුල වැඩෙන කළලයේ යහපත් වර්ධනය රඳා පවතින්නේ ඔබ නිරන්තරයෙන් පරිභෝජනය කරන පෝෂ්‍ය පදාර්ථ හා ඛනිජ ද්‍රව්‍ය මතයි. ඒ පෝෂ්‍ය පදාර්ථ දරුවා වෙත රැගෙන යන ප්‍රවාහන මාධ්‍ය වෙන්නේ ජලය. ඒ නිසා තමයි මේ කාලයේදී වැඩි පුර වතුර පානය ඒ තරම් වැදගත් වෙන්නේ.

සිරුරේ අපද්‍රව්‍ය පහසුවෙන් ඉවත් කර ගන්න වතුර වැඩි පුර පානය වැදගත්. ගර්භනී සමයේදී නිතර නිතර මුත්‍රා පිට කිරීමේ අවශ්‍යතාවය ඇති වෙනවා. ඉතින් ඒ කාර්ය ගැටලුවකින් තොරව ඉටු කරන්න නම් අනිවාර්යෙන් වතුර වැඩිපුර පානය කරන්න වෙනවා.

ඒ වගේම ගර්භනී වීමෙන් පසු සාමාන්‍යයෙන් මවගේ ශරීරයේ උණුසුම තරමක් ඉහල යනවා. වැඩි වශයෙන් වතුර පානය කිරීම මඟින් ඒ ඉහල යන ශරීර උෂ්ණත්වය මනාව පාලනය කර ගන්න ඔයාට පුළුවන්. ශරීරය සිසිල්ව තබා ගන්න පුළුවන්.

ගර්භනී සමයේදී සමේ ගැටලු ඇති වන ගැටළු වලට තියෙන තවත් හොඳ විසඳුමක් තමයි වතුර බොන එක. ඒ වගේම සමේ සංවේදී බව හා නැවුම් බව ආරක්ෂා කර ගන්න ජලය උපකාර කරනවා. දරුවාගේ සම මෘදුව තබා ගන්නත් දරුවාගේ සම වියලිමෙන් ආරක්ෂා කර ගන්නත් එයින් පුළුවන්.

ගැබ් ගැනීමත් සමඟ ශරීරයේ ඇතැම් ස්ථානවල ඉදිමීමක් දකින්න පුළුවන්. විශේෂයෙන් කකුල් වල. මේ තත්ත්වය අවම කර ගන්නත් වතුර පානය කරන එක ගොඩාක් හොඳයි.

ඒ වගේම වතුර පානය කරද්දී අනිවාර්යෙන් උණු කර නිවා ගත් සහ පෙරා ගත් පිරිසිදු ජලය පානය කිරීම අනිවාර්ය කාරණාවක්. මොකද කුස තුල වැඩෙන දරුවාගේ ආරක්ෂාව ගැනත් ඔබ අනිවාර්යෙන් සිතිය යුතුයි. එසේ කිරීම මඟින් විෂබීජ හෝ හානිකර බැක්ටීරියා, වෛරස් හෝ විවිධ අහිතකර රසායනික හා අප ද්‍රව්‍ය ඔබේ සිරුරට ඇතුළු වීම වළක්වනවා. එය බෝවන රෝග වලින් ඔබව ආරක්ෂා කරනවා. කළලයත් සුරකිනවා.

Related Articles

Featured Articles

Trending Articles

අපේ ජනප්‍රියම ලිපි

Think before the marriage become a divorce
   3,742
   31

කසාදය දික්කසාදයක් කරගන්න කලින් මේ දේවල් ගැනත් හිතන්න

අද අපි ඔබට කියන්නේ ආදරෙන් හදාගත්ත පවුල් ජීවිතේ දික්කසදයකින් කෙලවර කරගන්න කලින් ඔයා අනිවාර්යෙන්ම ඔයාගෙන්ම අහලා විසඳ ගන්න ඕනේ ප්‍රශ්න ටිකක් ගැන. මේ ප්‍රශ්න වලට උත්තර හොයාගත්තට පස්සේ ඔයාට පුළුවන් කැමති තීරණයකට එන්න
Tips to avoid period rashes
   1,106
   31

ඔසප් සමයේදී ඇති වෙන රෑශ් වළක්වා ගන්න පුලුවන් සරල ක්‍රම 4 ක් මෙන්න

මේ ගැන උපදෙසක් ගන්න බැරුව බොහොමයක් කාන්තාවන් නිහඬව සිටියත් ඔසප් කාලයේදි ඇති වන මේ කුෂ්ඨ වලින් ඔවුන් සැහෙන්න පීඩා විඳිනවා. ඉතින් බොහෝ දෙනෙක් නොදන්නා සහ මෙම ගැටලුව වළක්වා ගන්න පුලුවන් වටිනා ක්‍රම 4ක් මෙන්න
Must have frocks for woman (part 02)
   19,697
   24

ගවුම් අඳින්න කැමති යුවතියකට තිබිය යුතුම ගවුම් වර්ග - (02 කොටස)

ඔයාට තවත් ලස්සනට අඳින්න පුළුවන් ගවුම් වර්ග මොනවාද කියලා
Kaju Dosi Recipe
   50,773
   21

කජු දෝසි - Recipe

Video
Potato Balls
   864
   21

අල බෝල

අද හදනන් යන අල බෝල වලට පාන් කුඩු හෝ බිත්තර අවශ්‍ය වෙන්නේ නෑ. ස්නැක් වෙලාවට කන්න මේ විදිහට අල බෝල හදමු.

Latest Articles

Most Viwed