හිස්හොරි කරදරෙන් වද විඳින අය අනිවාර්යෙන් කියවන්න

March 17, 2018
4,940
Suffering from dandruff?
ඉස්හොරි කියන්නේ ගැහැණු පිරිමි කියලා භේදයක් නැතුව හැමෝටම ප්‍රශ්නයක් වෙලා තියෙන දෙයක්. ඒ වගේම හරිම කරදරයක් වෙලා තියෙන දෙයක්නේ. එය ගැටලුවක් වී තිබෙන්නේ විශේෂයෙන් අඳුරු පැහැති ඇඳුම් ඇඟලා සිටින අවස්ථාවක ඒ මත ගැලවී ගිය සම සුදු පැහැ පොතු කැබලි වශයෙන් දිස්වීම අප්‍රසන්න වීම නිසයි. මේ ප්‍රශ්නෙන් මිදෙන්න ගොඩාක් උත්සාහ කරත් ප්‍රතිඵලයක් නැති අයට මේ ලිපිය ගොඩාක් වැදගත් වෙයි. ඉස්හොරි ඇති වෙන්නේ ඇයි? ඉස්හොරිවලින් තොර කෙස් කලඹක් ලබා ගන්නේ කොහොමද? වගේ ප්‍රශ්න වලට උත්තර මේ කිපිය කියවලාම හොයා ගන්න.

අපේ හිසේ සම මතුපිට ඇති සෛල ස්ථරය නිතර නිතර ගැලවී යාම ස්වභාවිකව සිදුවන දෙයක්.ඒ වගේම හිරු එළියට නිතරම හිස නිරාවරණය වීම නිසා ඉක්මනින් හිසේ සම වියලෙනවා. එසේ වියලෙන සම පොතු කැබලි ලෙස ගැලවී ඉවත් වෙනවා. මෙසේ ගැලවී යන මැරුණු සම හිසකෙස් අතර රැ‍ඳෙන්නට පුළුවන්. මෙන්න මේ තත්වය තමයි අපි ඉස්හොරි කියලා හඳුන්වන්නේ බොහෝ දෙනෙක් ඉස්හොරි චර්ම රෝගයක් ලෙස සැක කළත් එය චර්ම රෝගයක් නොවෙයි. ඒ වගේ ම අස්වාභාවික තත්ත්වයක් ද නොවෙයි.

කෙනෙකුගේ හිසෙහි තෙල් නිපදවීම වේගවත් නම් ගැලවී ඉවත් නොවී ඉස්හොරි පොතු තට්ටුවක් ලෙස සම මතුපිට රැඳී තිබෙන්නට පුළුවන්. එවැනි තත්ත්වයක් ඇති අයගේ නිතර නිතර හිස කැසීම මෙන් ම ඇතැම් අයගේ නම් දුර්ගන්ධයක් ද වහනය විය හැකිය. දුහුවිලි කුණු සෝදා හිස පිරිසිදු බව රැක ගැනීමෙන් ඒ තත්ත්වය මඟ හරවා ගත හැකියි. දිනපතා ස්නානය කරන්න පුලුවන්නම් මේ තත්වය ගොඩාක් දුරට අවම කර ගන්න පුළුවන්

හැබැයි දිනපතා ස්නානයය කරත් නිතර නිතර ෂැම්පු වර්ග හෝ සබන් දමා තදින් හිස ඇතිල්ලීමෙන් ඉස්හොරි ඉවත්වනවා වෙනුවට වැඩිපුර ඇතිවිය හැකියි. මෘදු සබන් වර්ගයක් හෝ ෂැම්පු වර්ගයක් දවසක් හැර දවසක් භාවිත ප්‍රමාණවත්. ඉස්හොරි සියල්ල ඉවත් කිරීමේ අරමුණින් හිස තදින් අතුල්ලන යනත එපා. එහෙම උනොත් හිස මතුපිට සම තුවාල වෙන්න පුළුවන්.

ඉස්හොරි සඳහා විශේෂිත ෂැම්පු වර්ග තිබෙනවා. එම ෂැම්පු භාවිත කළ යුතු වන්නේ සතියකට හෝ දෙකකට වරක් පමණයි. නිතර භාවිතය ශරීරයට අහිතකර වෙන්නට පුළුවන්. ඉස්හොරිවලදී ‍තමන්ට ගැළපෙන ෂැම්පු වර්ගය තෝරා ගැනීම සඳහා වෛද්‍ය උපදෙස් ලබා ගැනීම වඩාත් සුදුසුයි. ඇතැම් විට නොයෙකුත් දිලිර ආසාදන නිසා ඉස්හොරි හා සමාන චර්ම රෝග ඇති වෙන්න පුළුවන්. ඒ නිසා වෛද්‍ය උපදෙස් ලබා ගැනීම තුලින් ඒ පිළිබඳව නිවැරදි නිගමනයකට එන්න පුළුවන් සහ නිවැරදි ප්‍රතිකාර කල හැකියි.

මෙම කරදරකාරී ඉස්හොරි වලින් මිදෙන්න අපිට පහසුවෙන්ම කරන්න පුළුවන් දෙයක් තමයි ප්‍රමාණවත් තරම් ජලය පානය කිරීම. දිනපතා ශරීරයට අවශ්‍ය ජල අවශ්‍යතාව සපුරන්නේ නැති අයට ඉස්හොරි සෑදීමේ වැඩි ප්‍රවණතාවක් තිබෙනවා. විශේෂයෙන් උණුසුම් දිනවල ප්‍රමාණවත් තරම් ජලය නොලැබීම නිසා සම ඉරි තැළුණු ස්වභාවයක් ගන්නට පුළුවන්. මේ තත්ත්වය හිසෙහි සමටත් බලපානවා. එය ඉස්හොරි සෑදීම වේගවත් කරනවා.ඒ නිසා වැඩිපුර වතුර බොන එක මේ තත්වය මඟ හරවන්න වගේම ඔයාගේ ශරීර සෞඛ්‍යටත් හිතකර ලෙස බලපානවා.

Related Articles

Featured Articles

Trending Articles

අපේ ජනප්‍රියම ලිපි

5 tips to keep your child in side family
   878
   364

දරුවා පවුල තුළම තියා ගන්න පොඩි ටිප්ස් 05ක්

අද ගොඩක් නිවෙස් වල දකින්නට ලැබෙන දෙයක් තමයි දෙමව්පියෝ දෙන්නා සහයෝගයෙන් ඉද්දි දරුවෝ තම තමන්ගේ කාමර ඇතුලේ තනියෙන් හෝ පරිඝනකය එක්ක ජීවත් වෙන එක
Having sex is good for your health
   691
   337

ලිංගික එක්වීම සෞඛ්‍යට ගුණයි

ලිංගික ජීවිතයේ තිබෙන යහපත් ප්‍රතිඵල ගැන අපි දැනගෙන ඉන්න එක අපේ සෞඛ්‍යයට මොන මොන පැති වලින් හිතකරද කියලා මේ ලිපියෙන් කියවලාම බලන්න
Long Bean Pickle
   415
   194

මෑ කරල් අච්චාරුව

අච්චාරු ටිකක් දවල් බත් එකට තිබ්බා නම් කෑම එකට පොඩි ගැම්මක් එනවා. මේ ලේසියෙන් හදාගන්න පුලුවන් අච්චාරුව ඔයාට කෑම වල රුචිය වැඩිකරාවි.
Ayurvedic treatments  for a glowing skin
   1,843
   157

සම පැහැපත් කරන, නිරෝගී කරන ආයුර්වේද ඖෂධ වලින් ඔබේ සුන්දරත්වය රැකගන්න කැමතිද?

ඔබේ සුන්දරත්වයේ පැවැත්ම රඳා පවතින්නේ ඔබ වෙනුවෙන් සිදු කරන සත්කාර වල ස්වභාවය අනුව තමයි
Why do we take mebendazole?
   126
   103

පණු රෝගයට බෙහෙත් බොන්නේ ඇයි?

බෙහෙත් ලබා නොගැනීම නිසා, මේ පණුවන් ශරීරය තුල දහස් ගණනින් බෝ වීමෙන් පණු රෝගය උත්සන්න වෙන්න පුළුවන්. අද හැඩකාරී අපි ඔයාට පණු රෝගය ගැන සහ පණු රෝගයට බෙහෙත් බොන්නේ ඇයි යන්න මේ ලිපියෙන් කියලා දෙනවා

Latest Articles

Most Viwed


x