ක්‍රීම් වෙජිටබල් සුප් - Recipe

ගත වන කාලය විනාඩි 25
6 දෙනෙකුට සෑහේ

අවශ්‍ය ද්‍රව්‍ය :

මාගරින් ග්‍රෑම් 50
කැරට් (කපාගත්) ග්‍රෑම් 150
අර්තාපල් (කපාගත්) ග්‍රෑම් 150
බෝංචි (කපාගත්) ග්‍රෑම් 100
ගෝවා (කපාගත්) ග්‍රෑම් 100
ලීක්ස් දඬු (කපාගත්) ග්‍රෑම් 100
තක්කාලි (කපාගත්) ග්‍රෑම් 50
පාන් පිටි ග්‍රෑම් 20
වතුර ලීටර් 1
නැවුම් ක්‍රීම් හෝ කිරි මිලි ලීටර් 100

පිළියෙළ කර ගන්නා ආකාරය :

1. බඳුනක් ලිප තබා එයට මාගරින් එක්කර රත්වූ පසු එයට එළවළු දමන්න.

2. එළවළු මදක් තෙම්පරාදු වූ පසු එයට පිටි එක්කර හොඳින් කලවම් කර වතුර දමා උතුරුවා ගන්න.

3. දැන් එය ලිපෙන් බාගෙන මදක් නිවුණු පසු කෑලි තිබෙන්නට බ්ලෙන්ඩ් කරගන්න.

4. පසුව නැවුම් ක්‍රීම් එක්කර පිළිගන්වන්න.