මේ පාර අලුත් අවුරුදු කෑම මේසයේ කවුරුත් නොකළ වෙනසක් කරමුද?

April 9, 2018
1,661
Lets do a change in New Year table
අලුත් අවුරුදු කාලෙට කෑම මේසයේ නම් ඉතින් කෑම බීම වලින් අඩුවක් නැහැ. එක එක විදියට හදපු කැවිලි වර්ග වලින් හැම ගෙදරකම කෑම මේසය පිරිලා ගිහින්. තෙල් කෑම, පැණි රස කෑම වලින් අඩුවක් නැහැ. ඇත්තම කතාව මේ දවස් වලදී මේ කෑම බීම කාල බීලම ඇති වෙනවා. දවසක් දෙකක් යද්දී කන්න කොච්චර ආස කෑමක් තිබුනත් කන්න හිතෙන්නේ නැහැ. යන යන හැම තැනම තියෙන්නේ එකම කැවිලි වර්ග ටික. මේ දවස් වලට අවුරුදු මෙසේ තියෙන කෑම වර්ග කාල කාල එපා වෙලා ඉන්න අයට ඔයාගේ අලුත් අවුරුදු මේසයේ වෙනසක් කරන්න පුළුවන් නම් එක සැබෑම වෙනසක් විදියට අවුරුද්දට ගෙදරට එන නෑදෑයින්ට, හිතවතුන්ට දැනෙයි.

කැවුම්, කොකිස්, කෙසෙල් ගෙඩි නැතිව අවුරුදු මේසයක් සම්පුර්ණ නෑ වගේ නේද? ඒ කැවිලි වර්ග අවුරුදු මේසයට එක් කරන ගමන්ම මේ දවස් වලට නිතර දකින්න ලැබෙන්නේ නැති ආහාර වර්ග ටිකක් එකතු කරන්න පුළුවන් නම් ඒක ගොඩක් හොඳයි. මේ දවස් වලට හැම ගෙදරකම අවුරුදු මේසයේ තියෙන්නේ පැණි රස කෑම වර්ග. කැවුම්, අතිරස, දොදොල්, වැලිතලප වගේ කැවිලි වර්ග වරදින්නෙම නැහැ.

හැම ගෙරකින්ම මේ දේවල් කාල එන අයට ඔයාගේ අවුරුදු මේසයේ වෙනසක් කරන්න. කැවුම් කොකිස් අතරට කට ගැස්මට උණු උණුවට වඩේ ටිකක් එහම බැදලා තියන්න තිබුන නම් කොහොමද? ඒ වගේම තමයි ඉතින් කට්ලට් ටිකක්, පැටිස් ටිකක් එහෙමත් තිබුන නම් මේ දවස් වල කැවිලි කාල එපා වෙලා ඉන්න අය බෑ නොකියා කනවා. ඒ නිසා පැණි රස කෑම වෙනුවට කටට සැරට කන්න පුළුවන් කෑම ටිකක් හදලා අවුරුදු මේසයට තියන්න.

කාල බොන්නත් හැම තැනින්ම දෙන ටී එකයි ශීත කරපු බිම වර්ගයි දෙන්නේ නැතිව එකෙත් පොඩි වෙනසක් කරන්න. උණු උණු වඩේ කන ගමන් ඒ එක්ක බොන්න ඉඟුරු දාපු ප්ලේන්ටියක් කදිමට ගැලපෙනවා. අනික මේ දවස් වල ගොඩක් තැන වලින් ඒ වගේ දේවල් කන්න බොන්න ලැබෙන්නෙත් නැහැනේ. ඒ වගේම දවල් වෙලාවේ එන අමුත්තන්ට තැඹිලි වතුර, කුරුම්බා වතුර ටිකක් දෙන එක රසකාරක දාපු බිම වර්ග පිලිගන්වනවාට වඩා මොන තරම් නම් හොඳයිද?

ඒ වගේම තමයි බත් වලට විවිධ ව්‍යංජන පිළියෙළ කරද්දී කඩෙන් මිලදී ගන්න තුනපහ වර්ග වලට වඩා ගෙදරදීම ඔයාට පුළුවන් විදියට තුනපහ වර්ග ටික හදා ගන්න. එහෙම කෑම ටික වඩාත් රසවත්ව තියෙයි. ඒ විදියට රසකාරක නැතිව රහට උයන්න පොඩි පොඩි tips ටිකක් අපි කලින් ලිපියකින් ඔයාට කිව්වා. ඒ දේවල් මේ දවස් වල ප්‍රයෝජනයට ගන්න.

ඒ වගේම චිකන්, පරිප්පු , බටු මොජු වගේ හැම ගෙදරකටම පොදු වුණු ආහාර වලට වඩා වෙනස් විදියේ ව්‍යංජන ටිකක් පිළියෙළ කර ගන්න. සැරට හදපු කරවල බැදුමක්, පොළොස් ඇඹුලක්, සුදුළූනු ව්‍යාංජනයක් එහෙම මේ දවස් වල තියෙන අනිත් අවුරුදු මේස වලින් ඔයාගේ මේසය වෙනස්ම කරලා පෙන්වයි. මේ දවස් වල තෙල් කෑමම කාල ඉන්න අයට සුදුළූනු ව්‍යාංජනයක් එහෙම තියෙනවා නම ශරීර සෞඛ්‍යටත් වඩාත් හොඳයි.

අලුත් අවුරුද්දේ කෑම මේසය විතරක් වෙනස් වෙලා වැඩක් නැහැ. ඔයාගේ සිතුම් පැතුම්, අදහස් වලත් වෙනසක් ඇති කර ගන්න. ඔබට සුභ අලුත් අවුරුද්දක්!

Related Articles

Featured Articles

Trending Articles

අපේ ජනප්‍රියම ලිපි

Why you should live separately from parents after marriage
   1,753
   1,467

කසාදයෙන් පස්සේ ඔයා වෙනම ගෙදරක ජීවත් විය යුත්තේ ඇයි?

ගොඩක් තැන්වල නැන්දම්මා ලේලි ගැටුම්වලින් අඩුවක් නම් නෑ. එවැනි තත්ත්වයක් තුළ ඔයාට ඔයාගේ බිරිද එක්ක හෝ ස්වාමියා එක්ක ලස්සන විවාහ ජීවිතයක් ගෙන යන්න ඉඩකඩ ලැබෙන්නේ නෑ. කසාදයෙන් පස්සේ ඔයාලා දෙන්නා වෙනම ගෙදරක ජීවත් වෙන්න තෝරා ගැනීම ඉතාමත් වැදගත්. hadakari.com අපි එහෙම කියන්නෙ ඇයිද කියලා ඔයා මේ ලිපිය පොඩ්ඩක් කියවලාම බලන්නකෝ
How to do a outstanding makeup
   883
   512

හැමෝම අතරේ ඔයාව කැපිලා පේන විදිහේ මේකප් එකක් කරන්නේ කොහොමද?

ඕනවට වඩා ලස්සන වෙන්න ගියාම සමහර අවස්ථාවල තමන්ගේ පෙනුම කැත වෙලා අවලස්සනට ඔයාව පේන්නත් පුළුවන්.අද අපි කියන්න යන්නේ මේකප් වලින් නානවට වඩා හැමෝම අතරේ ලස්සනට කැපි පෙනෙන සරල මේකප් එකකින් වර්ණවත් වෙන්නේ කොහොමද කියලා
Keep your nails beautiful
   526
   475

නියපොතු ලස්සනට තියා ගන්න කැමති ඔයාට මේ ලිපිය වැදගත්

කාලයක් නියපොතු දික් කරලා පාට පාට නිය ආලේපන වර්ග ගාලා ලස්සනට තියාගෙන ඉන්නකොට එක නියපොත්තක් හරි කැඩිලා යනකොට ඔයාට ලොකු දුකක් ඇති වෙනවා නේද? ඔයාගේ නියපොතු ශක්තිමත්ව පවත්වා ගන්න වගේම නියපොතු ලස්සනට තියාගන්න වැදගත් වන කරුණු කිහිපයක් ගැන කතා කරන්න තීරණය කළා

Latest Articles

Most Viwed