ඔබ නිතර කන බිත්තරේ නොදත් ගුණ අගුණ

May 15, 2018
7,357
Facts you didn't know about egg
බිත්තර කියන්නේ නිතර නිතර අපේ ආහාර වේලට එකතු කර ගන්න සිරුරට අවශ්‍ය අත්‍යාවශ්‍ය පෝෂ්‍ය පදාර්ථ රැසක් ලබා ගන්න පුළුවන් හොඳ මුලාශ්‍රයක්. ඒ වගේම රුපලාවන්‍ය සත්කාර වලදීත් අඩුවක් නැතිව එකතු කර ගන්න අමු ද්‍රව්‍යක්. බිත්තරයේ සුදු මදය සහ කහ මදය පෝෂ්‍ය පදාර්ථ රැසකින් පොහොසත්. ප්‍රෝටීන්, විටමින් සහ ඛනිජ ලවන වගේම අත්‍යාවශ්‍ය මේද අම්ල අඩංගු වෙනවා. ඒ නිසා බිත්තර කියන්නේ ඉතාමත් පහසුවෙන් ශරීරයට පෝෂණය ලබා ගන්න පුළුවන් ක්‍රමයක්.

බිත්තර අහාරයට එක් කර ගනිද්දී දිනපතා බිත්තර ආහාරයට ගන්න එක හොඳයිද? නැද්ද? සතියට බිත්තර කියක් විතර කෑවට කමක් නැද්ද? වගේ ප්‍රශ්න ගොඩාක් කට්ටියට ඇති වෙනවා .දිනපතා මහන්සි වෙලා වැඩ කරන වැඩිහිටි කෙනෙක් දිනපතා බිත්තරයක් ආහාරයට ගත්තට කිසිම වරදක් නැහැ. ඒ වගේම පාසල් යන වයසේ දරුවන්ටත් දිනකට බිත්තරයක් ආහාරටයට එක් කිරීම දරුවන්ගේ වර්ධනයට ඉතාමත් වැදගත්.

මාංශ පේශීන් වර්ධනයට අත්‍යවශ්‍යම පෝෂපදාර්ථයක් වන ප්‍රෝටීන් ලබා ගන්න හොඳම හා පහසුම ක්‍රමය වෙන්නේ බිත්තර සුදු මදය. බිත්තර ආහාරයට ගැනීමෙන් දෛනික ප්‍රෝටීන් අවශ්‍යතාවයෙන් වැඩි කොටසක් සම්පුර්ණ වෙනවා. ඊට අමතරව බිත්තර සුදු මදයේ ඇමයිනෝ අම්ල අඩංගු වෙනවා. මිනිස් සිරුරට ඇමයිනෝ යම් ප්‍රමාණයක් අවශ්‍යයි. ඒ අවශ්‍යතාවය සම්පුර්ණ කර ගන්න බිත්තර ආහරයට එකතුකර ගැනීමෙන් පුළුවන්.

බිත්තරවල තිබෙන පෝෂ්‍ය පදාර්ථ ඔබේ සුන්දරත්වය වර්ධනය කරන්නත් ඉවහල් වෙනවා. හිසකෙස්, නිය වර්ධනයට වගේම තරුණ පෙනුම රැක ගැනීමටත් බිත්තර කදිමයි. ඒ වගේම බිත්තරවල අඩංගු කෝලීන් කියන සංඝටකය මතක ශක්තිය වැඩි කරනවා. මිට අමතරව බිත්තර යොදාගෙන ඔබට බාහිර රුපලාවන්‍ය සත්කාර කරන්නත් පපුළුවන්. විශේෂයෙන් සම, හිස කෙස් සඳහා කරන සත්කාර වලට බිත්තර කියන්නේ හොඳම අමු ද්‍රව්‍යක්.

සාමාන්‍ය ප්‍රමාණයේ බිත්තරයක ප්‍රෝටීන් 7.5g ක්, මේදය 5.1g ක්, කැලරි 76ක් අඩංගු වෙනවා. ඒ නිසා කය වෙහෙසා වැඩ කරන අයට වගේම කුඩා දරුවන්ගේ ආහාර වේලට බිත්තර එකතු කිරීම ඉතාම වැදගත්. විශේෂයෙන් ගර්භනී මව් වරුන්ට අවශ්‍ය සුවිශේෂී පෝෂක කොටස් බිත්තරයේ අඩංගු වෙනවා. ආසාත්මික තත්වයන් ඇති වෙන්නේ නෑ කියලා විශ්වාස නම් ගර්භනී මවක් බිත්තර තමන්ගේ ආහාර වේලට එක් කර ගැනීමේ කිසිම ගැටළුවක් නැහැ.

නමුත් ඔබ කොලෙස්ටරෝල් රෝගය වැළඳුණු කෙනෙක් නම් බිත්තර කහ මදය ඔබට සුදුසු වෙන්නේ නැහැ. ඒ නිසා කහ මදය ආහාරයට ගැනීමෙන් වලකින්න. නමුත් සුදු මදය ආහාරයට ගැනීමෙන් කිසිම අහිතකර බලපෑමක් වෙන්න් නැහැ.

Related Articles

Featured Articles

Trending Articles

අපේ ජනප්‍රියම ලිපි

Bad habits that destroy your look
   2,871
   284

ඔයාගේ පෙනුමට හානි කළ හැකි පුරුදු වලින් මිදෙන්න ඔයාට මේ ලිපිය ප්‍රයෝජනවත් වෙයි

ඔයාගේ පෙනුමට හානි කළ හැකි මේ පුරුදු වලින් මිදී තරුණ පෙනුම සදහටම රැක ගන්න විදිහ ගැනයි මේ ලිපියෙන් කියන්න හිතුවේ
Tips to avoid period rashes
   559
   198

ඔසප් සමයේදී ඇති වෙන රෑශ් වළක්වා ගන්න පුලුවන් සරල ක්‍රම 4 ක් මෙන්න

මේ ගැන උපදෙසක් ගන්න බැරුව බොහොමයක් කාන්තාවන් නිහඬව සිටියත් ඔසප් කාලයේදි ඇති වන මේ කුෂ්ඨ වලින් ඔවුන් සැහෙන්න පීඩා විඳිනවා. ඉතින් බොහෝ දෙනෙක් නොදන්නා සහ මෙම ගැටලුව වළක්වා ගන්න පුලුවන් වටිනා ක්‍රම 4ක් මෙන්න
Eat dates for better health and beauty
   8,949
   172

රුව වඩවා නිරෝගීව ඉන්න ඕන නම් රට ඉඳි කන්න

රටඉඳි වල ගුණය එහෙමත් නැත්තම් පෝෂණය ඔයා හරියට දැනගෙන ආහාරයට ගත්තොත් ඔයාගේ සිරුරට අවශ්‍ය පෝෂණය ලබාගන්න අමතර පෝෂක කොටස් ලබා ගන්න අවශ්‍ය වෙන්නේ නෑ
Hit pants and trousers in 2019
   9,825
   171

2019 වසරේ hit පෑන්ට්ස් සහ ට්‍රව්සර්ස්

මේ කලිසම් යුවතියකට අමුතුම ලස්සනක් එකතු කරනවා. බලමු ඒ විලාසිතා කීපයක්..
How to avoid pimples caused by masks?
   1,857
   164

මෙඩිකල් ෆේස් මාස්ක් පැළඳීම නිසා ඇති වෙන කුරුලෑ වළක්වා ගන්නේ කොහොමද?

කුරුලෑ සහ සමේ දැවිල්ල කියන්නේ ෆේස් මාස්ක් නිසා ගොඩක් අයට ඇති වෙන පොදු අතුරු ආබාධ දෙකක්. ඒ වගේ ගැටලු සමඟ කටයුතු කරන්නේ කොහොමද යන්න පිළිබඳ නිවැරදි උපදෙස් කිහිප්‍යක් අපි අද ඔබට ලබා දෙන්නම්

Latest Articles

Most Viwed