දිනකට රට ඉඳි දෙක බැගින් සතියක් ආහරයට ගැනීමෙන් සිදුවන්නේ කුමක්ද?

October 28, 2021
1,512
What will happen to your body if you eat 2 dates every day for 1 week?
නිවර්තන දේශගුණවල වැවෙන කුඩා ගෙඩි විශේෂයක් වන රට ඉඳි වියළීමෙන් වෙළඳ පොලෙන් අප මිලට ගන්නා තත්ත්වයට පත් කර තිබෙනවා.. අහාරයට ගන්නා උදවිය එහි ඇති ප්‍රණීත රසය නිසා එය අතුරු පස සඳහා අප බොහෝ විට එක්කර ගන්නවා.. නමුත් රට ඉඳි යනු පෝෂණයෙන් ඉතා ඉහල ආහාරයක්.. ඔබ රට ඉඳි ග්‍රෑම් 100 ක් පමණ ආහාරයට ගැනීමෙන් ඔබගේ දෛනික පෝෂණ අවශ්‍යතාවයෙන් 20% ක් පමණ සපුරාලීමට හැකි අතර එහි තන්තු ග්‍රෑම් 7 ක්, ප්‍රෝටීන් ග්‍රෑම් 2 ක් සහ ප්‍රතිඔක්සිකාරක වර්ග කිහිපයක් මෙන්ම පොටෑසියම්ද ඊට අමතරව තඹ, මැංගනීස්, විටමින් බී 6, මැග්නීසියම් සහ යකඩ බහුල වශයෙන් අන්තර්ගත වනවා.

ලොව පුරා රට ඉඳි වර්ග 3000ක් පමණ ඇති අතර නැවුම් රට ඉඳි දීප්තිමත් රතු සහ කහ පැහැයෙන් යුක්තවන අතර වියළීමෙන් පසු රන්වන් පැහැති දුඹුරු පැහැ ස්වභාවයක් ගනු ලබනවා. Medjool සහ Deglet Noor යන ප්‍රභේද දෙක බහුලව භාවිතා වන අතර ඔබ ඕනෑම ප්‍රභේදයකට අයත් නැවුම් හෝ වියළන ලද ‍රට ඉඳි ආහාරයට ගැනීමෙන් ඔබගේ ශරීරයට ඉතා විශ්මිත ප්‍රතිලාභයන් ගෙන එනු ලබනවා.. ඔබ දිනකට රට ඉඳි දෙකක් බැගින් සතියක් ආහාරයට ගැනීමෙන් පහත ප්‍රතිලාභයන් අත්කර ගැනීමට හැකියි.

ආහාර හොඳින් ජීර්ණය කිරීම



ඔබගේ ආහාරවේලේ තන්තු බහුලව අඩංගු වීම ආහාර ජීර්ණයට උපකාරි වන අතර මල පහ ප්‍රමාණය වැඩි කරනු ලබනවා.. විශේෂයෙන් රට ඉඳි ග්‍රෑම් 100ක තන්තු ග්‍රෑම් 7ක් පමණ ඇති අතර එමගින් ඔබගේ ආහාර වේල හොඳින් ජීර්ණය වීමට උපකාරි වනවා.. එම නිසා ඔබගේ ආහාර වේලට දිනපතා රට ඉඳි එක්කර ගැනීම මලබද්ධය ඇතිවීම වළක්වා ගැනීමට ඇති හොඳම ක්‍රමයයි.

ශක්තිය වැඩි කරයි



රට ඉඳි පැණිරස ආහාරයක් වුවත් එමගින් ඔබගෙ රුධිරයේ ඇති සීනි ප්‍රමාණය කෙරෙහි බලපෑම් එල්ල නොකරයි. එය අඩු ග්ලයිසමික් අගයක් ඇති ආහාරයකි. එමෙන්ම ශරිරයේ ශක්තිය ඉහළ නැංවීමටද උපකාරි වනවා.

රෝග ඇතිවීම වළක්වාලීම



රට ඉඳි වල ඇති ප්‍රබල ප්‍රතිඔක්සිකාරක මගින් සිරැරට අහිතකර බලපෑම් එල්ල කරන සාධක උදාසීන කරන අතර එමගින් රෝග ඇතිවීමේ අවධානම පහළ නංවනවා.. රට ඉඳි වල ඇති ප්‍රධාන ප්‍රතිඔක්සිකාරක වන්නේ,

- ෆ්ලේවනොයිඩ් (Flavonoids) - ශරීරයේ දැවිල්ල අඩු කරන ප්‍රතිඔක්සිකාරකයක් වන අතර දියවැඩියාව, ඇල්සයිමර් සහ සමහර පිළිකා ඇතිවීමේ අවදානම අඩු කරන බව සොයාගෙන ඇත.

- කැරොටිනොයිඩ්ස් (Carotenoids) - කැරොටිනොයිඩ්ස් හෘද සෞඛ්‍යය නිසි පරිදි තබගැනීමටත්, ඇසේ සුද ඇතිවීම පාලනය කර අක්ශි නීරෝගිව තබා ගැනීමට සහය වනවා.

- ෆීනොලික් අම්ලය (Phenolic acid) හෘද රෝග හෝ පිළිකා ඇතිවීමේ අවධානම අඩු කිරීමට උපකාරි වීම.

වයසට යාමත් සමග ඇතිවන මානසික තත්ත්ව පාලනය



වයස්ගත වීමත් සමග බොහෝ පුද්ගලයන් මානසික පරිහානියකට ලක්වනවා.. විශේෂයෙන් වයස්ගත වීමත් සමග ඇතිවන ඇල්සයිමර් වැනි රෝග තිබෙන අතර වයස්ගත වීමත් සමග මොළය ආරක්ෂා කරගත යුතුයි. රට ඉඳි දිනපතා ආහාරයට ගැනීම මතක ශක්තිය වැඩි කිරීමටත්, කාංසාව වැනි තත්ත්වයන් පාලනයටත් උපකාරි වනවා.

සීනි වෙනුවට ආදේශකයක් ලෙස යොදාගත හැකියි



අධික සීනි පරිභෝජනය දියවැඩියාව, තරබාරුව සහ පිළිකා වැනි රෝගාබාධ රැසක් සඳහා හේතු වනවා.. විශේෂයෙන් පිරිපහදු කළ සීනි විවිධ නම්වලින් බොහෝ ආහාරවල අඩංගු වන බැවින් ඔබ ඉතාමත් සැලකිලිමත් වීම වැදගත් වනවා. පර්‍යේෂකයන් සඳහන් කරන ආකාරයට සීනි වෙනුවට රට ඉඳි ඉතා හොඳ ආදේශකයක් වනවා.. එමනිසා ඔබට අවශ්‍ය නම් රට ඉඳි ජලය සමග එක්කර පේස්ට් එකක් වන සේ බ්ලෙන්ඩර් කර සීනි වෙනුවට 1: 1 අනුපාතයට ඔබ බේක් කරන ආහාර සඳහා එක්කර ගත හැකියි.. එසේ නැතිනම් ලංකාවේ අපි දිනකට තේ කිහිපයක් පානය කරන බැවින් ඒ සඳහා සීනි වෙනුවට රට ඉඳි එක්කර ගැනීමටත් පුළුවන්.

රට ඉඳි කැලරි බහුල ආහාරයක් වුවත් එමගින් ඔබගේ සිරැරට ප්‍රතිලාභයන් රාශියක් ගෙන දෙනවා… නමුත් ඔබට සිරැරේ බර පිළිබඳව ගැටළුවක් ඇතිනම් රට ඉඳි දෙකක් පමණක් දිනකට ආහාරයට එක්කර ගැනීමට පුලුවන්..

වඩාත් වැදගත් වන්නේ රට ඉඳි මගින් නිරෝගී ශරීරයක්, මනසක් මෙන්ම දවසට අවශ්‍ය කරන ශක්තිය ලබාදීමයි.. රට ඉඳි පමණක් ආහාරයට ගැනීම, සලාද වලට, නැතිනම් සීනි වෙනුවට බේක් කරන ආහාරවලට එක්කර ආදී විවිධ ක්‍රමවලට ඔබට රට ඉඳි ආහාරයට ගත හැකියි. ඉතින් තවත් බලා සිටිය යුතු නැහැ නේද.. ඔබටත් අදම උත්සාහ කර බැලීමට පුලුවන්.

Related Articles

Featured Articles

Trending Articles

අපේ ජනප්‍රියම ලිපි

Best food for constipation
   313
   252

ඔබත් මලබද්ධය නිසා පීඩා විදිනවාද? එසේනම් මෙම ආහාර ඔබගේ ආහාර වේලට එක්කරගන්න

පහසුවෙන්ම මෙම තත්ත්වයෙන් මිදීමට ඔබගේ දෛනික ආහාර වේලට මේ දේවල් එකතු කරගන්න..
Signs that shows he cares about you than you think
   963
   97

ඔහු ඔබ සිතනවාට වඩා ඔබ ගැන උමුතුවෙන් සිටින බව පෙන්වන ලකුණු

ඔහු ඔබට කැමතිද, නැත්නම් ඔබ කෙරෙහි හැඟීම් ඇත්දැයි ඔබට සැකයක් ඇති උනාද... සෑම කාන්තාවක්ම මේ හැඟීමට ජීවිතයේ එක වතාවක් වත් මුහුණ දෙනවා... ඔබ එවැනි අවුල් ජාලයක සිටී නම්, මේ ලිපිය ඔබට වැදගත් වේවි
Tips on how to pick the best leggings
   2,468
   80

ඔබට ගැලපෙන ලෙගින් විලාසිතාව තෝරා ගන්නේ කෙසේද?

විවිධ විලාසිතා සමග එක්කිරීමටත්, සුවපහසුව සහ හුරුබුහුටි පෙනුමක් ලබාදෙන විලාසිතාවක් වීම බොහෝ දෙනා ලෙගින්ස් ප්‍රිය කිරීමට හේතුවක්.. ඒත් ඔබ සතුව තිබෙන ලෙගින්ස් විලාසිතාව ඔබගේ සිරැරේ හැඩයට ගැලපෙනවාද..? එසේ නැතිනම් ඔබට ගැලපෙන ලෙගින්ස් විලාසිතාව තෝරාගේන තිබෙනවාද..?
Lipstick can put you in harm
   16,833
   64

ඔබේ ලිප්ස්ටික් එකත් මේ විදිහට ඔබව ටිකින් ටික අනතුරට දානවා වෙන්න පුලුවන්

සමහර ලිප්ස්ටික් වර්ග වල හානිකර විෂ සහිත ලෝහ සමඟ ඊයම් වර්ග අන්තර්ගතයි. ඒත් එහෙමයි කියලා ඔබ ඔබේ ලිප්ස්ටික් ආලේපනය කිරීමේ පුරුද්ද ඉවත දමන්න ඕනේ නෑ. ඒ සඳහා අනුගමනය කරන්න පුලුවන් මැද මාවතක් තියනවා
Food to regulate your menstrual circle
   20,055
   61

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න

Latest Articles

Most Viwed