ඔයාගේ හැඩ වැඩි කරන කොණ්ඩා මෝස්තර 07 ක්

October 9, 2018
12,526
7 hair styles for day-to-day use
විලාසිතා කියන්නේ අද උන්මාදයක්. ඒ උන්මාදයට කාන්තාවන් කොච්චර ඇබ්බැහි වෙලාද කීවොතින් විලාසිතා නොකරන කෙනෙක් අද හොයා හොයාගන්න නැති තරම්. අද කාන්තාවන්ගේ විලාසිතා අතර ඇඳුම්, පැළඳුම්, නිය ආලේපන, මේකප් ආදී මේ හැම දේම අතරේ තවත් ජනප්‍රිය විලාසිතාවක් තමයි කෝණ්ඩා විලාසිතා කියන්නේ. හැඩට වැඩට ඉන්න කැමති ඔයා මේකප් එකක් දාලා ලස්සන ඇඳුමක් ඇන්දට වැඩක් නෑ ඒ දෙකටම ගැළපෙන විදිහේ හිසකෙස් විලාසිතාවක් කළේ නැති නම්. ඔයා දිනපතා ඔෆිස් යන කෙනෙක් නම් එකම විදිහේ කොණ්ඩා විලාසිතාවකට කොටු වෙන්නේ නැතුව එක එක විදිහේ කොණ්ඩා විලාසිතාවක් කරලා බලන්න. ඒක ඔයාට වෙනසක් වගේම ඔයාව දකින අයටත් වෙනසක් වෙයි. අද ‍Hadakari අපි තීරණය කළා ඔයාට කරන්න පුළුවන් කොණ්ඩා මෝස්තර ටිකක් ගැන ඔයා එක්ක කතා කරන්න.

වෙට් ලුක් කොණ්ඩා මෝස්තරය









මේ කොණ්ඩා මෝස්තරය මගින් දිස් වෙන්නේ කොණ්ඩය තෙත් වුණු විලාසයක්. කොණ්ඩේ දිගින් වගේම ප්‍රමාණයෙන් අඩු කාන්තාවන් කියන කතාවක් තමයි කොණ්ඩේ චුට්ටක් නිසා කිසිම කොණ්ඩා විලාසිතාවක් කරන්න බෑ කියන කතාව. ඉතිං තවත් ඔයාට මේ වගේ කතාවක් කියන්න ඕන වෙන්නේ නෑ. ස්ටයිලින් ක්‍රීම් භාවිත කරලා මේ වගේ හිසකෙස් විලාසිතාවක් කරන්න. නළල පළල් කෙනෙක් නම් ඔයාට fringe එකක් එකතු කර ගන්නත් පුළුවන්.

ඩබල් බන්









මේ හිසකෙස් විලාසිතාවෙනුත් ඔයාගේ ලස්සන වැඩි කරගන්න පුළුවන්. සමාන්‍යයෙන් මේ හිස කෙස් විලාසිතාව කරනකොට ඔයාගේ හිස කෙස් කොටස් දෙකකට වෙන් කරලා තමයි කරන්නේ. හිසේ ඉහළ සිට එක් කොටසකුත් පහළ සිට එක කොටසකුත් වශයෙන් බෙදා ගන්න. පසුව යන්තමින් අඹරා ලිහිල් බන් දෙකක් වශයෙන් බැඳගෙන තමයි මේ විලාසිතාව ඔයා කරන්න ඕන වෙන්නේ. බන් එක අවසානයේ කටු ගසා රඳවාගත යුතුයි. තැනින් තැන කෙස් රොදවල් එකතු කරලා මේ හිසකෙස් විලාසිතාවේ සුන්දරත්වය වැඩි කරගත හැකියි.

ඇල්බසෝ බ්‍රෙයිඩ්ස්









මේ හිසකෙස් විලාසිතාව අප්‍රි‍‍කානු රටවල්වල ඉතාමත් ජනප්‍රිය කොණ්ඩා මෝස්තරයක්. ඒත් දැන් අපේ රටේ ගොඩක් දෙනෙක් මේ හිස කෙස් විලාසිතාව කරනවා. මේ හිසකෙස් විලාසිතාව ගොඩක්ම පහසුවෙන් කරන්න පුළුවන් කර්ල් වු හිසකෙස් තියෙන යුවතියකට. නළල දෙසින් කොටස් කිහිපයකට අඹරා කොණ්ඩය ගොතා ගන්න. එවිට ගොතපු කැරලි අතර කොටස් හිස්ව තමයි තියෙන්නේ. මේ කැරලි එතරම් දුර ගොතන්නේ නෑ. ගොතා හිස පිටු පසට වෙන්න එකතු කර තරමක් උසට වෙන්න හෙයාර් කිලිප් එකකින් රදවන්න පුළුවන්. දිග් වු දැඩි කර්ල් සහිත කොණ්ඩයකට මේ විලාසිතාව හොඳින් ගැළපෙනවා.

මුදු සුමුදු කැරලි









මේ හිසකෙස් විලාසිතාව ගැළපෙන්නේත් දිගු නොවන හිසකෙස් තියෙන කෙනෙකුට. ඉතාමත් සුන්දර වගේම රොමෑන්ටික් පෙනුමක් ඔයාට එකතු කර ගන්න ඕන නම් මේ හිසකෙස් විලාසිතාවක් කල හැකියි. හිසකෙස්වල මැද ඉදලා පහලට කර්ලින් අයන් එකක් අරගෙන පොඩ්ඩක් විතර අයන් කර ගන්න. ඉන් පස්සේ සිහින් කෙඳි තියෙන පනාවකින් හෝ බ්‍රෂ් එකකින් හොඳින් පීරන්න. හෙයාර් ස්ප්‍රෙ එකක් භාවිත කරන්න පුළුවන් නම් ගොඩක් හොඳයි.

මේ හිසකෙස් විලාසිතාවේ විශේෂත්වය වෙන්නේ හිස කෙස් රොදයකින් දෙපසට වෙන්කරලා තියෙන එක. හිස් මුදුනේ සිහින් කෙස් රොද දෙකක් අරගෙන කණ පෙදෙසට වැටෙන්න දැමීමෙන් මේ හිසකෙස් විලාසිතාව තවත් ලස්සන වෙනවා. ඉතිං ඔයාට තියෙන්නෙත් කෙටි හිස කෙස් නම් ඔයත් මේ හිසකෙස් විලාසිතාවෙන් හැඩ වෙන්න උත්සාහ කරලා බලන්න.

ස්ලීක් බැක්









මෙම හිසකෙස් විලාසිතාවක් අද ගොඩක් කාන්තාවන් අතර ජනප්‍රිය වුණු හිසකෙස් විලාසිතාවක්. තරමක් දිගින් යුත් හිසකෙස් තියෙන කෙනෙක්ට ගැළපෙන හිසකෙස් විලාසිතාවක් තමයි මේ ස්ලීක් බැක් කියන හිසකෙස් විලාසිතාව. මේ විලාසිතා කරන්න ඔයාට හෙයාර් මූස් එකක් භාවිතා කළ හැකියි. කොණ්ඩයේ හිසේ පිටුපසට තමයි මෙහිදි හැඩ ගන්වන්නේ. කර්ල් නොවු හිසකෙස් සහිත කොණ්ඩයකට තමයි මේ හිසකෙස් විලාසිතාව හොඳින්ම ගැළපෙන්නේ. ඔයාට පාටියකට යන්න වගේම එදිනෙදා ඔෆිස් යන්නත් සමාන්‍ය ගමනක් බිමනක් යනකොටත් මේ වගේම විලාසිතාවක් කරන්න පුළුවන්.

හාෆ් අප් පෝනි









කාන්තාවන් අතර ඉතාමත් ජනප්‍රිය කොණ්ඩා විලාසිතාවක් තමයි හාෆ් අප් පෝනිය කියන්නේ. ඔයාගේ කන්වලට ඉහළින් තියෙන හිසකෙස් මුලින්ම වෙන් කර ගන්න. ඊට පස්සේ ඉහළට කර පෝනිටේල් එකක් බැඳ ගෙන පහළ කොටස සම්පුර්ණයෙන්ම මුදා හරින්න. තරමක් කෙටි හා මධ්‍ය ප්‍රමාණයෙන් තියෙන කොණ්ඩයකටත් මේ හිසකෙස් විලාසිතාව හොඳින් ගැළපෙනවා.

කොයිල් ටොප් නොට්









මේ හිස කෙස් විලාසිතාවත් දැන් දැන් අපේ රටේ ඉතාමත් ජනප්‍රිය හිසකෙස් විලාසිතාවක්. මේ හිසකෙස් විලාසිතාවේදී කරන්නේ සියලූම කෙස් එකතු කර පෝනීටේල් එකක් දා ගන්න එක. පස්සේ හිසකෙස් අග කොටස් ටික එකතු කරලා දඟර ගසමින් ලිහිල් බන් එකක් විදිහට සකසා හෙයාර් ක්ලිප් එකක් ගහනවා. මේ විදිහට හදා ගන්න බන් එකේ තැනින් තැන කෙස් රොද පිටතට පොඩ්ඩක් විතර අදින්න. එයිනුත් මේ හිසකෙස් විලාසිතාවට අමුතුම ආකාරයේ සුන්දරත්වයක් එකතු කරනවා. ඉතිං ඉස්සරහට එන්නේ උත්සව සමයනේ. ඉතිං ලස්සනට පාටියකට යන්න ඕන නම් මේ කොණ්ඩා මොස්තරවලින් එකක් දෙකක් කරන්න උත්සාහ කරලා බලන්න.

Related Articles

Featured Articles

Trending Articles

අපේ ජනප්‍රියම ලිපි

Essential 3 vitamins for glowing skin
   3,511
   2,734

සමේ ස්වාභාවික අලංකාරය සඳහා ඔබ අනිවාර්යයෙන් ගත යුතු විටමින් 3 ක්

ඔබට සමේ සෞඛ්‍ය සම්පන්න බවත් දීප්තිමත් බවත් ඉහ​ළ නංවා ගැනීමට අවශ්‍ය නම් ඒ සඳහා ගන්න අත්‍යාවශ්‍ය විටමින් වර්ග 3ක් ගැන අපි ඔබට කියන්නම්. ටික කාලෙකින් ඒවා ඔබේ සමේ මැජික් එකක් වගේ වැඩ කරන ආකාරය ඊට පස්සේ ඔබම දකින්න...
5 tips to be beautiful like a bollywood actress
   48,751
   169

බොලිවුඩ් නිළියන් ලස්සන වෙන්න භාවිත කරන tips 05 ක්

මේ ක්‍රම ටික නම් ලස්සනට ඉන්න ගොඩක්ම පාවිච්චි කරන්නේ බොලිවුඩ් නිළියන්. ඔවුන්ගේ විශේෂත්වය වෙන්නේ ඔවුන් බෝහෝ විට රූපලාවණ්‍ය සත්කාරවලට යොදා ගන්නේ ස්වභාවික අමුද්‍රව්‍ය
Do not make you sex life a nightmare because of HSDD
   407
   107

HSDD රෝගය නිසා නිදි යහන කටු යහනක් නොවන්නට

කිසිම හේතුවක් නැතුව ලිංගිකව එක් වීම නීරස අත්දැකීමක් නම් එතැන කුමක් හෝ අඩු පාඩුවක් තිබෙනවා. ලිංගිකව එක්වීම නීරස අත්දැකීමක් නම් ඒ තත්වය Hypoactive sexual desire disorder (HSDD), රෝගය නිසා වෙන්නත් පුලුවනි. මේ රෝග තත්වයේ නිමිති මොනවාද...?
How to keep your feet beautiful
   37,863
   101

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන
Are you willing to get married after a divorce
   1,516
   91

දික්කසාදයෙන් පසු ඔබ​ට නැවත විවාහ වීමට අදහසක් තියෙනවද?

අද හැඩකාරී අපි ඔයාට දික්කසාදයෙන් පසු නැවත විවාහ වීමට අදහස් කරන්නේ නම් ප්‍රයෝජනවත් වන උපදෙස් කිහිපයක් මේ ලිපියෙන් ඉදිරිපත් කරන්නයි උත්සාහ කරන්නේ

Latest Articles

Most Viwed