බඩඉරිඟු ව්‍යංජනය

අපි හැමදාම බඩඉරිගු හදන්නේ තම්බාගෙන කෑමට වුනත් ඔන්න බඩඉරිඟු ව්‍යංජනයක් හදන හැටි දැනගන්න කැමතිද…? කවුද අකමැති නේද…? එකාකාර රටාවෙන් මිදිලා වෙනස් දෙයක් අත්හදා බලන්න අපි කවුරුත් අකමැති නැහැ. එහෙමනම්

මෙන්න අවශ්‍ය දේවල්..

සාමාන්‍ය තරමේ ඉඩඉරිඟු කරල් තුනක් පමණ
පොල්තෙල් මේස හැඳි තුනක්
මිටිකිරි කෝප්ප එකක්
රම්පෙ කරපිංචා
රතුළූණු ගෙඩි පහක් පමණ
සුදුළූණු ගෙඩියක්
උලුහාල් ස්වල්පයක්
ලුණු
මිරිස්
තුනපහ
කහ

සාදාගන්නේ මේ විදිහටයි…

1. මුලින්ම සාමාන්‍ය විදිහට බඩඉරිඟු තම්බාගෙන කැබලිවලට කපන්න. එක් කරලක් තුනකට වගේ කැබැලි කරගන්න.

2. දැන් මේ කැබලි කරගත් බඩඉරිඟු වලට මිරිස්, තුනපහ, කහ, ලුනු, උලුහාල්, සුදුළූණු, රතුළූණු ආදි සියලුම කළමනා එක් කරන්න.

3. දැන් පොල්තෙල් ටිකක් ලිප තියලා එය පැසෙන විට මේ කපා ගත් ඉරිඟු කරල් තුනහප තෙමපරාදු කරන්න. වතුර මදි වගේ හිතෙනවා නම් බඩ ඉරිඟු තම්බාගත් වතුරවලින් ටිකක් එක් කරන්න.

4. මෙය හිඳී බොරට වගේ එන විට මිටිකිරි ටික එකතු කරලා එය පැසෙන විට බිමට ගන්න.

එන්.ඒ.පි.සි.