වතුර ගොඩක් බොන්න කියල හැමෝම කිව්වට ඇත්තටම වතුර හොඳද?

March 3, 2020
1,518
Is it good to drink too much of water?
පොදුවේ ගත්තම වතුර විශාල ප්‍රමාණයක් බොනව කියන්නේ නරක දෙයක් නෙමෙයි. ඇත්ත වශයෙන්ම, වතුර ප්‍රමාණවත් තරම් පානය කිරීම ඔබේ ශරීරයේ ඇතුළත හා පිටත යන දෙකටම වැදගත් වෙනවා. ඒකට හේතුව ඔබේ ශරීරයේ සියලුම ක්‍රියාවලීන් (උදාහරණයක් ලෙස ජීර්ණය වැනි) සුමටව ක්‍රියාත්මක වෙන්න ඔබේ ශරීරයට ප්‍රමාණවත් තෙතමනයක් අවශ්‍ය වෙන නිසයි. 

හැබැයි මෙන්න මේ සුවිශේෂී අවස්ථා වලදී ඔයාගෙ වතුර වීදුරුව පැත්තකින් තියන එක වඩා හොඳයි කියලා මේ ලිපිය කියෙව්වම ඔයාටම තේරුම් යාවි.

1. ඔබේ ශරීරයේ දැනටමත් වතුර වැඩි නම්
ඔව්, ඕනෑවට වඩා වතුර පානය කිරීම වගේ පුරුදු තියන අය ඉන්නවා. ඔබ දියර වර්ග අධික ලෙස පානය කරනකොට, ඔබේ ශරීරයේ ඇති ස්වාභාවික ලුණු වල සමතුලිතතාවයට බාධා වෙන්න පුළුවන්. මෙය සෝඩියම් ඌනතාවයක් ඇති කරන්න පුළුවන් නිසා එයින් හිසරදය, ඔක්කාරය, මානසික ව්‍යාකූලතා හා අපස්මාර තත්ත්වයන් පවා ඇති වෙන්න පුළුවන්.

2. ඔබේ මුත්‍රා විනිවිද පෙනෙන විට
ඉතින්, ඔබ ප්‍රමාණවත් තරම් වතුර පානය කර ඇති කියලා කියන්නේ කොහොමද දන්නවාද? වැසිකිළියට යාමෙන්. ඔබේ මුත්‍රා වල වර්ණය ඒ ගැන දැනගන්න විශිෂ්ට දර්ශකයක් වන අතර එය ඔබ වැඩි වශයෙන් ද , අඩු වශයෙන් ද වතුර පානය කළ යුත්තේ කියලාත් එමගින් කියන්න පුළුවන්. ඔබේ මුත්‍රා සුදුමැලි කහ වර්ණයක්ද? එයින් අදහස් වන්නේ ඔබ ප්‍රශස්ත මට්ටමින් වතුර පානය කරලා කියලයි. ඒ හොඳ වැඩේ දිගටම කරගෙන යන්න. ඔබේ මුත්‍රා තද කහ පැහැයක් අරගෙන තියනවා නම් දවසකට බොන වතුර වීදුරු ගාන අනිවාර්‍යෙන්ම වැඩි කරන්න වෙයි. ඔබේ මුත්‍රා වල පැහැය විනිවිද පෙනෙනවාද? එහෙනම් ඒක වතුර පානය කරන එක අඩු කිරීමට පැහැදිලි ලකුණක්.

3. ඔබ විශාල ආහාර වේලක් ගත් විට
ඔබ විශාල ආහාර වේලක් අරන් තිබෙනවාද? ඒ වෙලාවට ටික වේලාවක් පානීය වතුරෙන් ඉවත් වෙලා ඉන්න එක වඩාත් සුදුසුයි. මොකද වතුර අපේ ආමාශය පුරවන අතර, ඔබ ආහාර විශාල ප්‍රමාණයක් ආහාරයට ගැනීමෙන් පසුව විශාල වතුර ප්‍රමාණයක් බිව්වොත් ඔබේ බඩ ඉදිමෙන්න පටන් ගනියි. වතුර වීදුරුව පානය කරන්න කලින් ඔබේ උදරයේ ආහාර ටිකක් ජීර්ණය වෙලා සමනය වෙනකල් ඉන්න.

4. ඔබ දැඩි ලෙස ව්‍යායාම කරන විට
ඔබට අධිකව දහඩිය දැම්මම ඔබේ ශරීරයට සෝඩියම් සහ පොටෑසියම් නැති වෙනවා. නමුත් මේ දෙකම ඔබට ඉතා වැදගත්. එයින් අදහස් කරන්නේ ඔබ ඒවා නැවත පිරවිය යුතුයි කියලයි. මේ වගේ වෙලාවල් වලට සාමාන්‍ය නළ වතුර හෝ දිය උල්පත්වල ඒවා සොයා ගන්න අමාරුයි. වාසනාවකට වගේ පොල් වතුරේ සෝඩියම් සහ පොටෑසියම් පුදුම සහගත විදිහට පවතිනවා. දැඩි ව්‍යායාම වලින් පසුව ඔබට අවශ්‍ය පෝෂණයන් සියල්ල එහි අඩංගු වෙනවා. නැත්නම් මිනරල් වතුර පානය කරන්න. මොකද ඒකෙත් ලුණු අඩංගු වෙනවා.

5. වතුර පැණි රස වූ විට
ඔබ බොන වතුරට සියලු වර්ගවල රසකාරක එකතු කරනවා නම් ඔබට අවශ්‍ය ප්‍රමාණයට වඩා වැඩි සීනි ප්‍රමාණයක් පරිභෝජනය කිරීමේ අවදානම පවතිනවා. මොකද සුපිරි වෙළඳසැලේ ඔබ මිලදී ගන්න රසකළ වතුරේ අධික සීනි ප්‍රමාණයක් එකතු කරල තියෙන්න පුළුවන්.. ඒ නිසා ඔබ එවැනි රස කළ වතුර මිලදී ගැනීමට කලින් සැමවිටම නිෂ්පාදනයේ ලේබලය කියවන්න. 

Related Articles

Featured Articles

Trending Articles

අපේ ජනප්‍රියම ලිපි

Use these natural ingredients carefully
   484
   200

මේ ස්වාභාවික අමුද්‍රව්‍ය 8 අධික ලෙස භාවිතා කළොත් සිද්ධ වෙන්නේ මොකක්ද කියලා දන්නවාද?

පරිසර හිතකාමී සහ සාමාන්‍යයෙන් අඩු හානිකර දේවල් වුවත්, මෙම ස්වාභාවික අමුද්‍රව්‍ය අපගේ රූපලාවණ්‍ය කටයුතුවලට එකතු කිරීමේදී අපි තවමත් ප්‍රවේශම් වෙන්න ඕනේ
Know about Vaginal atrophy
   2,240
   165

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?
Has your hair started to thinning?
   240
   112

ඔබේත් හිසකෙස් සිහින් වෙන්න පටන් අරන් ද? එහෙනම් මෙන්න ඒකට හේතු

හිසකෙස් සිහින් වීමේදී තට්ටය ඇති නොකරත්, එය ඔබේ හිස මත හිස් තැන් ඇති කරනවා. ඒ නිසා මෙය සිදු වෙන හේතු සහ කල හැකි ප්‍රතිකර්ම ගැන දැනුවත් වෙන්න මේ ලිපිය අවස්ථාවක් කර ගන්න
This is why your skin look dark
   33,142
   78

ඔබේ සම අඳුරු වෙලා පේන්නේ මේ හේතු 5 නිසායි

අඳුරු පැහැ වුනු මුහුණ යලි පැහැපත් කල හැකි මේ පහසුම ක්‍රම ටික ඔබට අත් වැසිල්ලක් වේවි
What does a woman have that a man doesn't have?
   4,265
   65

පිරිමින්ට හිමි නොවන කාන්තාව සතු සුවිශේෂිතා

කාන්තාව හා පිරිමියා යන දෙදෙනා පිළිබදව කතා බහ කිරීමෙදි කායිකව මෙන්ම මානසිකවත් පැහැදිලි වෙනස්කම් මොවුන් අතර දක්නට ලැබෙනවා

Latest Articles

Most Viwed