කරස් ගාලා හැපෙන ඇතුල මෘදු චිකන් එකක් තමයි අද අපි ඔයාලට ගේන්නේ.. ලංකාවේ අපි කාගේත් ගෙදර තියෙන පොල් එකතු කරගෙන මේ රසවත් ස්නැක් එක හදමු.
අවශ්ය ද්රව්ය :
චිකන් බ්රෙස්ට් 2 (ස්කින්ලස් / බෝන්ලස්)
තුනපහ කුඩු තේ හැඳි 1/2
පාන් පිටි කෝප්ප 1/2
ගසාගත් බිත්තර 2
ගා ගත් පොල් කෝප්ප 2
ගම්මිරිස් සහ ලුණු
ගැඹුරු තෙලේ බැදීමට තෙල් (එළවලු හෝ පොල් තෙල්)
සාදන ආකාරය :
01. චිකන් බ්රෙස්ට් එක පලු දෙකක් වන සේ මැදින් කපා ගන්න.
02. දැන් එක පලුවකින් තීරු 4ක් වන සේ බ්රෙස්ට් දෙකම තීරු වලට කපාගන්න.
03. චිකන් තීරු ටික භාජනයකට දමා එයට තුනපහ, ලුණු සහ ගම්මිරිස් එකතු කර කලවම් කර විනාඩි 10-15ක් පදම් වෙන්න පසෙකින් තබන්න.
04. දැන් සාමාන්ය තරමේ භාජන තුනක් ගෙන එකකට පාන් පිටි, රස පදමට ලුණු සහ ගම්මිරිස් එකතුකර කලවම් කර පසෙකින් තබන්න.
05. අනෙක් භාජනයක ගසා ගත් බිත්තර ද, ඉතිරි භාජනයට පොල් ද දමා පසෙකින් තබන්න.
06. දැන් තෙල් ටික රත් වෙන්න තබන්න.
07. පදම් වූ චිකන් ටික ගෙන පළමුව පිටි මිශ්රණයේ හොඳින් කෝට් කරගෙන ඉන් පසුව බිත්තර එකේද අන්තිමට පොල් එකේද හොඳින් තවරාගෙන රත් වූ තෙල් වල බැද ගන්න.
08. ගින්දර සාමාන්ය තරමේ තබා ගනිමින් රන් වන් පැහැ වන තෙක් බැදගෙන උණුසුම්ව පිළිගන්වන්න.