ගර්භනී මව්වරුන්ට අතිශය භයානක පැපොල රෝගය, ඇත්තටම දෙයියන්ගේ ලෙඩක්ද?

May 9, 2018
1,683
Is chickenpox a dangerous disease for pregnant women?
පැපොල, කම්බුල්ගාය දෙයියන්ගේ ලෙඩ කියලනේ කියන්නේ. ලෙඩේ කාගේ වුනත් හැදුනම නම් දෙයියෝ සිහි වෙනවා. ඒක නම් අනිවාර්යයි. මේ ලෙඩවල් හැදුන අය තමයි ඒකෙ රඟේ දන්නේ. හැමෝටම එක පාරක් හරි හැදෙනවා කියලත් කියනවනේ. "මට නම් හැදිලා නෑ " කියලා කට වැරැද්ද ගන්න එපා කියන්නේ ඒකනේ.

ඇත්තටම පැපොල දෙයියන්ගේ ලෙඩක්ද ? 

නෑ. ඇත්තටම පැපොල කියන්නේ ඔය කාගේවත් ලෙඩක් නෙවෙයි. පැපොල කියන්නේ වෛරස් ආසාදනයක් නිසා ඇති වන රෝගී තත්ත්වයක්. මේකෙදි මුලින්ම වෙන්නේ උණ ගතියක් ඇති වෙන එක. ඊට පස්සේ රතු පැහැයට හුරු පොඩි පොඩි වතුර බිබිලි හට ගන්නවා. ඒ වගේම ඒ බිබිලි කසන්නත් ගන්නවා. 

පැපොල රෝගය වැළඳුනු අයගෙන් පුළුවන් තරම් ඈත් වී සිටීමෙන් මෙම රෝගය ඔබටත් බෝ වෙන්න තියෙන අවදානම අවම කර ගන්න පුළුවන්. පැපොල රෝගියෙක්  සමීපව ඇසුරු කිරීමෙන්, වාතය මඟින්, රෝගියාගෙන් පිට වන කිවිසුම් මඟින්, ඔවුන් භාවිතා කල ඇඳුම් මඟින් මෙය බෝ වෙන්න තියෙන අවස්ථාව වැඩියි. අනිත් එක තමයි පැපොල හැදුනු කෙනෙක්ගේ තුවාල හොඳටම වියලි යන තුරුම එම රෝගය අනෙක් අයටත් බෝ වෙනවා. ඒ නිසා තමයි ටිකක් අතේ දුරින් ඉන්න කිව්වේ.  

පැපොල රෝගය වැළඳීමෙන් මෙන්න ඒ කියන සංකුලතා ඇති වෙන්න පුළුවන්. 

පැපොල රෝගය නිසා ඇති වූ බිබිලි මත සැරව බිබිලි ඇති වෙන්න පුළුවන්. බිබිලි සුව වුනත් දුඹුරු පාට කැළැල් ඇති වීමත් තවත් ලොකු ප්‍රශ්නයක් තමයි. ඒ වගේම තමයි ඇස් පෙනීමේ විවිධ ගැටලුකාරී තත්ත්වයන්, අක්මාවේ අක්‍රියතා, නියුමෝනියාව, වකුගඩු අක්‍රියතා වැනි තත්ත්වයන් පසු කාලීනව ඇති වෙන පුළුවන් කියලා කියනවා. 

කලින් කිව්ව රෝග ලක්ෂණ ඇති වෙලා ඔබට හෝ පවුලේ කෙනෙකුට පැපොල රෝගය ඇති වෙලා කියලා සැකයක් ඇති වුනොත් අනිවාර්යෙන් ඒ ගැන වෛද්‍යවරයෙක් ලවා නිවැරදිව හඳුනා ගන්න. උන සඳහා පැරසිටමෝල් භාවිතා කලත් එහි වරදක් නැහැ. හැබැයි අනවශ්‍ය විදියට බොන්න එපා. වැඩි පුර වතුර හා දියර ආහාර ලබා ගන්න.   

ගර්භනී මවකට පැපොල රෝගය වැළඳුනොත් එහි ලොකු අවදානමක් තියෙනවා.
 
මෙහිදී වැඩිම ආවදානම තියෙන්නේ උපදින දරුවාට. ගර්භනී මවකට මුල් මාස තුන තුළ පැපොල රෝගය වැළඳීමෙන් ඉපදෙන දරුවාගේ උපන් බර අඩු වෙන්නත්, අංග විකල දරුවන් බිහි වීමේත් අවදානමක් තියෙනවා. දරුවා බිහි වීමට ආසන්න අකාලයේදී හෝ දරුවා බිහි වී දින කිහිපයකින් මවට පැපොල රෝගය වැළඳුනොත් දරුවාටත් රෝගය වැළඳීමට ඉඩ තියෙනවා. ඒ නිසා ගර්භනී මව්වරුන් මේ රෝගී තත්ත්වය සම්බන්ධයෙන් අතිශය කල්පනාකාරී විය යුතුයි.

Related Articles

Featured Articles

Trending Articles

අපේ ජනප්‍රියම ලිපි

If you have these signs, your liver might not be in danger
   249
   66

මේ රෝග ලක්ෂන පහළ වෙනවානම්, ඔබේ අක්මාවත් ලෙඩ දෙන අක්මාවක්

අක්මාව නරකින් කියලා ඔබට දැනගන්න ලැබෙන්නේ මොනවගේ වෙලාවකද?
Symptoms to say you are pregnant
   12,208
   27

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
Must have frocks for woman (Part 01)
   9,028
   20

ගවුම් අඳින්න කැමති යුවතියකට තිබිය යුතුම ගවුම් වර්ග 06 ක් - (01 කොටස)

ඔයත් ගවුම් විලාසිතා වලට අනුව හැඩ වෙන්න කැමති යුවතියක් නම් අද හැඩකාරී ඉදිරිපත් කරන මේ ලිපිය කියවලාම බලන්නකෝ ඔයාව ලස්සනට පේන ගවුම් වර්ග මොනවාද කියලා
Mushroom Soup Recipe
   186
   14

හතු සුප්

පෝෂණ ගුණයන්ගෙන් යුත් සිරුරට ශක්තිය ගෙන දෙන සුප් එකක් තමයි මේ

Latest Articles

Most Viwed