කුකුල් මස් තෙලට - Recipe

හැමදාම කන කුකුල් මස් කරියට වෙනසක් එක් කරන මේ කුකුල් මස් තෙම්පරාදු කරිය බත් එක්ක වගේම පාන්, ඉඳි ආප්ප කන්නත් අපූරුයි.

අවශ්‍ය ද්‍රව්‍ය :

තෙල් මේස හැඳි 2
කුරුඳු පොතු කැබැල්ලක්
කපාගත් ලොකු ළූණු ග්‍රෑම් 40ක්
කුඩාවට කපාගත් සුදු ළූණු තේ හැඳි 1/2ක්
කුඩාවට කපාගත්ඉඟුරු තේ හැඳි 1/2ක්
කහ කුඩු තේ හැඳි 1/2ක්
ලුණු රස පදමට
සම ඉවත්කර කුඩාවට කපාගත් කුකුල් මස් ග්‍රෑම් 500ක්
ලොකු කැබලි කරගත් ගම්මිරිස් මේස හැඳි 1 1/2 ක්
පලාගත් අමු මිරිස් කරල් 8 ක්
කපාගත් මාළු මිරිස් ග්‍රෑම් 40 ක්
කපාගත් ලීක්ස් ග්‍රෑම් 40 ක්
කුඩා කොටු කපාගත් තක්කාලි ග්‍රෑම් 40 ක්
විනාකිරි තේ හැඳි 3 ක්
කුඩාවට කපාගත් රතු ළූණු ග්‍රෑම් 30ක්

පිළියෙළ කර ගන්නා අකාරය :

1. භාජනයකට තෙල් දමා ලිප තබා රත් වූ පසු එයට ළූණු, කරපිංචා කුරුඳු පොතු එක්කර හොඳින් බැදගන්න.

2. එයටම ලොකු ළූණු, සුදු ළූණු, අමු ඉඟුරු, කහ, ලුණු සහ කුකුල් මස් දමා මධ්‍යම ප්‍රමාණයට තැම්බෙන්නට හරින්න.

3. දැන් එයටම රතු ළූණු, අමු මිරිස්, මාළු මිරිස් එක්කර විනාඩියක් පමණ තැම්බෙන්නට හැර ලීක්ස්, තක්කාලි සහ විනාකිරි ද දමාගන්න.

4. කුකුල් මස් හොඳින් තැම්බුණු පසු ගම්මිරිස් දමා කළවම් කරගන්න.

මේ ආකාරයටම ඌරු මස්, එළු මස්, හරක් මස් සහ මාළු ද පිළියෙල කර ගන්න පුළුවන්.