අධික තරබාරුව ඇති වෙන්නේ මෙන්න ඒ නිසයි

June 5, 2018
2,705
Reason for obesity
තරබාරු බව එහෙම නැත්තන් ස්ථුල බව කියන්නේ කාන්තා පිරිමි කියලා විශේෂයක් නැතුව අද ගොඩක් දෙනෙක් මුහුණ දෙන ගැටළුවක්. මේ තත්ත්වය ලංකාවේ විතරක් නෙවෙයි ලෝකයේම ගැටළුවක් වුණු දෙයක්.

කොහොමද මේ තරබාරු බව ඇති වෙන්නේ?

ප්‍රධානම හේතුව තමයි අපි ගන්න ආහාර. අපේ ආහාර රටාවේ වැරදි. දෛනිකව අපේ ශරීරයට අවශ්‍ය කරන ශක්ති ප්‍රමාණයට වඩා වැඩි ප්‍රමාණයක් ගැනීම තමයි මේකට ප්‍රධානම හේතුව වෙන්නේ. සාමාන්‍යයෙන් අපේ දෛනික කැලරි අවශ්‍යතාව වෙන්න කැලරි 1500ත් 3000ත් අතර. මේ ශක්ති ප්‍රමාණයට වඩා වැඩි ශක්ති ප්‍රමාණයක් ලබා ගැනීම සහ එම අතිරික්ත ශක්තිය දහනය නොකිරීම නිසයි මේ වගේ මහත් වෙන්න මුලිකම හේතුව.

තරබාරු බවේ අතුරු ප්‍රතිඵල ගැන ඔයා දන්නවද?

තරබාරු බව කියන්නේ ගොඩාක් සෞඛ්‍ය ගැටළු වලට මුල්වන තත්ත්වයක්. තරබාරු බව නිසා දියවැඩියාව, හදවත් රෝග, පිත්තාශයේ ගල් ඇති වීම වගේම ගර්භනී අවදියේදී සිටින කෙනෙක්ට නම් ප්‍රජනනයේදී ගැටළු ඇති වෙන්න පුළුවන්. ඒ වගේම මානසික ආතතිය ඇති වෙන්නත් මේ තරබාරු බව මුලික හේතුවක් වෙනවා.

මේ තත්ත්වයෙන් මිදෙන්න නම් ඔයාගේ ජිවන රටාවේ සැබෑ වෙනසක් ඇති කර ගන්න වෙනවා.

කලිනුත් කිව්වා වගේ ස්ථුල භාවයට ප්‍රධානම හේතුව වෙන්නේ අපේ වැරදි ආහාර රටාව. එය නිවැරදි කර ගැන්මෙන් ස්ථුල භාවය අවම කරන්නත්, ඇති නොවෙන සේ පාලනය කර ගන්නත් පුළුවන්. ඒ නිසා දෛනිකව ශරීරයට අනවශ්‍ය ලෙස ලබා දෙන කැලරි ප්‍රමාණය අඩු කරන්න. එහිදී සීනි හා පිටි සහිත ආහාර සිමා කල යුතුයි. ඒ වගේම මේදය කියන්නෙත් ඒ තරම් සුදුසු දෙයක් නෙවෙයි. පාන්, රොටි වැනි පිටි සහිත ආහාරත්, ගැඹුරු තෙලේ බැඳ ගන්නා ආහාර සහ පැණි රස කෑමත් අඩු කරන්න.

මේ කිව්වට ඔයාට මේ කියන දේවල් කරන එක ටිකක් අමාරු ඇති. ඒත් ඔයා ඔයාගේ නිරෝගී කමට මුල් තැනක් දෙන්න හිතන කෙනෙක් නම් මේක කරන්න අමාරු වෙන එකක් නැහැ. ඔයාගේ ආහාර වේලට වැඩිපුර ධාන්‍ය වර්ග, එළවලු වර්ග එකතු කර ගන්න. ඒ වගේම නූඩ්ල්ස් වගේ ක්ෂණික ආහාරත්, කෙටි ආහාර ලබා ගැනීමත් සිමා කරන්න.

ඒ වගේම අපි කද්දී බොද්දි කිරලා මැනලා නෙවෙයිනේ කන්නේ. ඒ නිසා අපේ ශරීරයට ලැබෙන කැලරි ප්‍රමාණය ගැන අපිට හරි අවබෝධයක් නැහැ. ඒ නිසා ශරීරයේ ශක්ති ප්‍රමාණය අසමතුලිත වෙනවා. දෛනිකව ව්‍යායාම වල නිරත වෙන එක ගොඩාක් වැදගත් වෙන්නේ ඒ නිසයි. ඒ මඟින් ශරීරයට අවශ්‍ය ශක්තිය සමතුලිතව පවත්වාගෙන යන්න අපිට පුළුවන්. දිනපතා ව්‍යායාම කිරීම, බයිසිකල් පැදීම, වත්තේ පිටියේ වැඩ කිරීම වගේ ඇඟ වෙහෙසන ක්‍රියාවන් වලින් අනවශ්‍ය කැලරි දහනය කර ගන්න ඔයාට පුළුවන්. එහෙම උනොත් බෝ නොවන රෝග වලින් ආරක්‍ෂිත වෙන්නත් ඔයාට අමාරු වෙන එකක් නැහැ.

Related Articles

Featured Articles

Trending Articles

අපේ ජනප්‍රියම ලිපි

how to get rid of mosquitoes and flies?
   733
   610

මැසි, මදුරු කරදරයෙන් මිදෙන්නේ කොහොමද?

මැසි මදුරු කරදරය තියෙනවා නම් මේ කියන විසඳුම්වලින් එකක් හෝ කිහිපයක් භාවිත කරලා මැසි මදුරු කරදරයට සමු දෙන්න දැන් පුළුවන්
Positive attention and your child
   2,472
   166

දරුවන්ට අසීමිතව ආදරය කරන දෙමාපියන්ට හොඳම පාඩමක්

අපි දරුවෝ වෙනුවෙන් කොච්චර මුදල් වියදම් කරලා දේවල් අරන් දුන්නත් මේ දේ තරම් ඒ කිසිම දෙයක් වටින්නේ නම් නැහැ. ඒ තමයි දරුවන් කෙරෙහි දක්වන ධනාත්මක අවධානය
What is this GOS and FOS?
   147
   101

මොනවද මේ GOS සහ FOS කියන්නේ?

මේ වචන අපිට එච්චර අහන්න දකින්න නොලැබෙන වචන දෙකක් උනාට. පුංචි දරුවෙක් ගෙදර ඉන්න අම්මලා තාත්තලාට නම් වැදගත්ම වෙන වචන දෙකක්. මොකද දරුවන්ගේ හොඳම පෝෂණය ගැන හිතන දෙමාපියන්ට මේ GOS සහ FOS කියන්නේ මොනවද කියලා දැනගෙන ඉන්න එක නම් ගොඩක් වැදගත්
Masala Fried Fish Recipe
   131
   95

මසාලා මාලු පෙති

කටට රසට අපි සාමන්‍යයෙන් මාළු බැදලා කන විදිහට වෙසස් හැබයි පොඩ්ඩක් වත් අමාරු නැති විදිහට මාළු හදමු
How to look after your eyes
   631
   90

ඇස් දෙක ඇස් දෙක වාගේ රැක ගන්නේ මෙහෙමයි

ඇස් දෙකේ සුන්දරත්වය වගේම නිරෝගී බව රැක ගන්න ගෙදර ඉඳලම කරන්න පුළුවන් සත්කාර කිහිපයක් ගැන ඔයාට අද හැඩකාරී මේ ලිපිය මගින් කියලා දෙන්න තීරණය කළා

Latest Articles

Most Viwed