තෙල් අධික සමකට ගැළපෙනම ෆේස් පැක් එකක් දාමුද?

July 23, 2018
8,468
Face packs for oily face
ඔයාට තියෙන්නේ තෙල් අධික සමක් නම් දැනටමත් ඔයා මේ නිසා ගොඩක් පීඩා විදිනවා ඇති. තෙල් අධික සමේ කුරුළෑ අසාදනය සිදුවෙන වේගය ඉතාමත් වැඩියි. තෙල් අධික සමක කුණු දුහුවිලි රැදෙන වේගයද ඉතාමත් වැඩියි. ඒ විතරක් නෙමෙයි මෙවැනි සමකට විවිධ ආසාධන තත්ත්වයන් වුවද ඉතාමත් වේගයෙන් සිදු විය හැකියි. තෙල් අධික සමක් පමණට වඩා දිලිසෙන අතර මෙවැනි සමකට රූපලාවණ්‍ය සත්කාර කරන්න නම් පහසු වෙන්නේ නෑ. ඔයා ෆේෂ්වොෂ් දාලා කොච්චර මුහුණ සේදුවත් ටික වේලාවක් ගිය ගමන් ආපහු ඔයාගේ මුහුණේ සම ආපහු තෙල් නිසා දිලිසෙන්න පටන් ගන්නවා. මෙවැනි තෙල් අධිකව පවතින සමකට ෆේස් පැක් සත්කාරයක් මගින් මේ ගැටලූ මගහරවා ගන්න පුළුවන්. ෆේස් පැක් එකක් කිව්වට හැම ෆේස් පැක් එකක්ම තෙල් සහිත සමකට ගැළපෙන්නේ නෑ. ඉතිං තෙල් සහිත සමකට හරියනම ෆේස් පැක් ගැන ඔයාව දැනුවත් කරන්න අද hadakari.com අපි තීරණය කළා. ඔයාට තියෙන්නේ තෙල් සහිත සමක් නම් එකට විසදුමක් හොයා ගන්න මේ ලිපිය ඔයා කියවලම බලන්නකෝ.

කඩල පිටි සහ බිත්තර සුදු මදය

කඩල පිටි ගොඩක් දෙනෙක් මුහුණ පැහැපත් කර ගන්න වගේම මුහුණේ කැළැල් ඉවත් කර ගන්න භාවිත කරන ධාන්‍ය වර්ගයක්. කඩල පිටි ස්ක්‍රබ් එකක් වශයෙන්ද ඔයාට භාවිත කරන්න පුළුවන්. විශේෂයෙන්ම කඩල පිටිවල ස්ක්‍රබ් විදිහට භාවිත කිරීමෙන් සමේ මරුණු ෙසෙල ඉවත් කරන්න උපකාරී වෙනවා. බිත්තර සුදු මදයේ අන්තර්ගත විටමින් A ඔයාගේ සමේ කැළැල් මැකීමට වගේම සම එල්ලා වැටීම, සම වියළීම වගේම ඔයාගේ මුහුණේ පවතින තෙල් සහිත බවද නැති කරනවා.

කඩල පිටි මේස තේ හැදි එකක්, බිත්තර සුදු මද තේ හැදි එකක් හා මී පැණි තේ හැදි එකක් ගෙන ඉහත ද්‍රව්‍ය සියල්ලම භාජනයකට දමා හොදින් කලවම් කර තලපයක් සේ පිළියෙල කරගන්න. පසුව මෙම මිශ්‍රණය මුහුණේ සහ ඛෙල්ලේ ආලේප කර විනාඩි 30 ටින් පමණ සෝදා ඉවත් කරන්න.

වියළි කහ සහ සහල් පිටි

ඔයා දන්නවානේ කහ කියන්නේ හොද විෂබීජ නාශකයක් වගේම බැක්ටීරීයාවක් වශයෙන් ප්‍රතික්‍රියා කරනවා. සහල් පිටි සම මත ආලේප කිරීමෙන් රෝම කූප විවර වී සමේ මැරුණු ෙසෙල ඉවත් කිරීමට උපකාරී වෙනවා. සහල් පිටි මේස තේ හැදි එකක්, කහ කුඩු තේ හැදි එකක්, මීපැණි තේ හැදි එකක් සම සමව ගෙන හොදින් කලවම් කර ගන්න. ඔබ සකස් කර ගත් මිශ්‍රණය ඝණ බව හැගෙන්නේ නම් වතුර ස්වල්පයක් එකතු කර ගන්න. මෙලෙස සකස් කරගත් මිශ්‍රණය ඇස්වල නොගෑවෙන විදිහට මුහුණේ සහ ගෙල ප්‍රදේශයේ ආලේපකර විනාඩි 30 ක පමණ කාලයක් තිඛෙන්නට හැර සෝදා ඉවත් කරන්න.

ඕට්ස් සහ ලෙමන් යුෂ

ඔයගේ මුහුණේ තියෙන තෙල් උරා ගැනීමේ සුවිශේෂි හැකියාවක් ඕට්ස්වලට තියෙනවා. විශේෂයෙන් ඔයා ස්ක්‍රබ් එකක් විදිහට ඕට්ස් භාවිත කළොත් මුහුණ පැහැපත් කර ගන්න පුළුවන්. ලෙමන් යුෂ වලින්ද ඔයාගේ සමේ තෙල් ගතිය අඩු කර ගන්න පුළුවන්. ඕට්ස් තේ හැදි දෙකකට ලෙමන් යුෂ ස්වල්පයක් මිශ්‍ර කර ඕට්ස් ඇට පිටිවන තෙක් අඹරා ගන්න. මෙලෙස ඔබ විසින් පිළියෙල කර ගත් තලපය මුහුණේ ආලේප කර විනාඩි පහක් පමණ මෘදුව ස්ක්‍රබ් කරන්න. මිනිත්තු 20 ක් පමණ මුහුණේ තිඛෙන්නට හැර සෝදා ඉවත් කරන්න. මේ ආකාරයට ඔයා සති කිහිපයක් මුහුණට මේ සත්කාරය කළොත් ඔයාටම ඔයාගේ මුහුණේ සැබෑ වෙනස හදුනාගන්න පුළුවන්.

මී පැණි සහ තක්කාලී

තක්කාලී කියන්නේ ඔයාගේ මුහුණට හොද සත්කාරයක්. තක්කාලී මගින් ඔයාගේ මුහුණේ රැදුණු කුණු, දුහුවිලි මෙන්ම මැරුණු ෙසෙලද ඉවත් කර ඔයාට පැහැපත් සමක් ලබා ගන්න උපකාරී වෙනවා. ඒ වගේම තක්කාලී මගින් මුහුණේ තියෙන තෙල් ගතිය අවම කරන අතර කුරුළෑ අසාදන ඇතිවීම පාලනය කරනවා. මේකට ඔයාට අවශ්‍ය වෙන්නේ ඉදුණු තක්කාලී ගෙඩියක් හා මී පැණි තේ හැන්දක් පමණයි. තක්කාලී ගෙඩිය හොදට තලපයක් වන සේ පොඩි කර ගන්න. පසුව එයට මී පැණිද එක් කර තලපයක් සේ සකස් කර ගන්න. සකස් කරගත් මිශ්‍රණය මුහුණේ සහ ඛෙල්ලේ ආලේප කර විනාඩි 20 තිඛෙන්නට හැර සෝදා ඉවත් කරන්න.

දෙහි යුෂ හා මී පැණි

මී පැණි කියන්නේ ඔයාගේ සමට වටිනා පෝෂණයක් ගෙන දෙනවා. සම පැහැපත් කර ගන්න වගේම සමේ තියෙන් කැළැල් ගතිය පාලනය කර ඔයාට පැහැපත් සමක් ගෙන දෙන්න මී පැණි උපකාරී වෙනවා. ඒ වගේම දෙහි යුෂවල අන්තර්ගත ප්‍රතිඔක්සිකාරක ගුණය නිසා ඔයාගේ සමේ තියෙන අදුරු පැහැ ගතිය ඉවත් වෙනවා. දෙහි යුෂ හා මී පැණි අවශ්‍ය ප්‍රමාණයට ගෙන මිශ්‍රණයක් සේ සකස් කර ගනිමින් රාතී්‍රයට මුහුණේ ආලේප කරන්න. විනාඩි 30 කට පසුව මද රස්නය සහිත ජලයෙන් මුහුණ සෝදන්න. මේ සත්කාරය දිනපතා සිදු කිරීම තුළින් ඔයාට සාර්ථක ප්‍රතිඵල ලබා ගන්න පුළුවන්.

Related Articles

Featured Articles

Trending Articles

අපේ ජනප්‍රියම ලිපි

How to avoid pimples caused by masks?
   368
   264

මෙඩිකල් ෆේස් මාස්ක් පැළඳීම නිසා ඇති වෙන කුරුලෑ වළක්වා ගන්නේ කොහොමද?

කුරුලෑ සහ සමේ දැවිල්ල කියන්නේ ෆේස් මාස්ක් නිසා ගොඩක් අයට ඇති වෙන පොදු අතුරු ආබාධ දෙකක්. ඒ වගේ ගැටලු සමඟ කටයුතු කරන්නේ කොහොමද යන්න පිළිබඳ නිවැරදි උපදෙස් කිහිප්‍යක් අපි අද ඔබට ලබා දෙන්නම්
A food you should get when you have periods
   9,022
   75

ඔසප් දින වලදී අනිවාර්යෙන් ගත යුතු කාන්තාවන්ට ගුණ දෙන වටිනාම ආහාරය

එය එළවළුවක් පමණක් නෙවෙයි, ඖෂධීය ගුණය අතින්ද ඉහලයි.නිවිති කියන්නේ ශරීරය අවශ්‍ය යකඩ ලබා ගන්න පුළුවන් හොඳ මුලාශ්‍රයක්
6 things guys will only do when they are crazy about you
   34,402
   67

ඇත්තටම කොල්ලෙක් කෙල්ලෙක්ට පිස්සු වැටුනහම මොකද කරන්නේ?

කතාවට වගේ හැමෝම කියන්නේ ආදරේ පිස්සුවක් කියලනේ. හැබැයි ඉතින් මේක කොච්චර පිස්සුවක් උනත් අපි කාටවත් ආදරයක් නැතුව ජීවත් වෙන්න අමාරුයි
God helps you for the situation - Story
   79
   53

දෙවියන් ඔබට උදව් කරන්න එන්නේ අවස්ථාවන් එක්කයි - Story

මේ අතරතුරදී ගමේ හිටපු එක ගැමියෙක්ට ගමේ පල්ලිය ගැන.. Cont…
Changes in your body if you consume cod-liver oil daily
   64,296
   45

ඔබ දිනපතා මෝර තෙල් ගැනීමෙන් ඔයාගේ ශරීරයට සිදුවන වෙනස්කම් කිහිපයක්

ස්වභාවික මෝර තෙල් ඔයාගේ සමට, අස්ථිවලට, හදවතට වගේම ඔයාගේ වයසටත් පුදුම හිතෙන තරම් හොඳ ප්‍රතිඵල ලබාදෙන බව අමතක කරන්න බැහැ. අද හැඩකාරී මේ සටහන මෝර තෙල් භාවිතයට ගැනීමෙන් සෞඛ්‍යයට ලැබෙන හිතකර ප්‍රතිඑල රාශියක් ගැනයි

Latest Articles

Most Viwed