මුරුංගා සුප්

මුරුංගා සුප් කියන්නේ ඉහළ පෝෂණ ගුණයෙන් යුතු සුප් එකක්. මේ සුප් එක ගෙදරදී හදලා රස බලමු.

අවශ්‍ය ද්‍රව්‍ය :

මුරුංගා කරල් 3ක් 
පොඩියට කපා ගත් අර්තාපල් 50g 
පොඩි කර ගත් සුදු ළූණු තේ හැඳි 1/2
කපා ගත් ළූණු  තේ හැඳි 1
ලුණු කුඩු තේ හැඳි 1/2
පොල් තෙල් තේ හැඳි 1/2
වතුර 300ml

සාදන ක්‍රමය :

1. පළමුව මුරුංගා කරල් දෙකට පලා මදය තේ හැන්දකින් සූරා ගන්න.

2. ඉන්පසුව භාජනයක් ලිප තබා එයට තෙල් දමා, ළූණු සහ සුදු ළූණු දමා රන්වන් පැහැවන විට මුරුංගා මද සහ අල දමා වතුර එකතුකර විනාඩි 15 ක් පමණ තම්බාගන්න.

3. මුරුංගා මිශ්‍රණය නිවෙන්නට තබා පසුව බ්ලෙන්ඩර් කර පෙරාගන්න.

4. එයට ලුණු එකතු කර නැවත රත් කරන්න.